Kitapqumarlıq hápteligi múnásibeti menen universitetimiz Málimleme-resurs orayında qaraqalpaq klassik shayırı Ájiniyaz Qosıbay ulı tuwılǵanınıń 198 jıllıǵına arnap «Kitapqumarlar klubı» aǵzaları tárepinen «Ellerim bardı» atlı ádebiy keshe shólkemlestirildi. Ádebiy kesheni Málimleme-resurs orayı direktorı wazıypasın waqtınsha atqarıwshı R.Kalmurzaeva ashıp berdi. Ilajda Ájiniyaz Qosıbay ulı ómiri hám dóretiwshiligi boyınsha «Kitapqumarlar klubı» aǵzaları tárepinen tayarlanǵan kórkem oqıw hám saxnalıq kórinisler tamashagóylerge inám etildi. Ádebiy keshe sońında «Kitapqumarlar klubı» aǵzaları arasınan eń belsendi student jaslar xoshametlendi.
Bunday ilájlardıń kóplep ótkeriliwi jaslardıń arasında olardıń ádebiyatqa bolǵan qızıǵıwshılıǵın arttırıwına isenemiz.
Tazagúl Mırzabaeva
Qaraqalpaq filologiyası hám jurnalistika fakulteti 1-kurs studenti, «Kitapqumarlar klubı» aǵzası.
