Ózbekstan Respublikası Prezidentiniń 2020-jıl 6-oktyabr kúngi “Informaciyalıq texnologiyaları boyınsha bilimlendiriw tarawın jánede jetilistiriw, ilimiy izertlewlerdi rawajlandırıw hám olardı IT-Industriya menen integraciya etiw ilajları haqqında”ǵı PQ-4851-sanlı qararı tiykarında Qaraqalpaqstan Respublikası Halıq bilimlendiriw ministrligi hám Qaraqalpaq mámleketlik universiteti menen birgelikte 24-aprel kúni Berdaq atındaǵı Qaraqalpaq mámleketlik universitetinde, ulıwma orta bilim beriw mektepleriniń pitkeriwshi klass oqıwshıları arasında informatika hám informaciyalıq texnologiyalar pán olimpiadasınıń Qaraqalpaqstan Respublikalıq basqıshı bolıp ótti.
Pán olimpiadasınıń rayon(qala)lıq basqıshında jeńimpaz dep tabılǵan jámi 27 oqıwshı Qaraqalpaqstan Respublikalıq basqıshında óz-ara bellesip, óz bilimlerin sınaqtan ótkerdi. Sonday-aq. pán olimpiadasınıń Qaraqalpaqstan Respublikalıq basqıshında jeńimpaz bolǵan 6 oqıwshı keyingi joqarı oqıw ornı basqıshına jollamanı qolǵa kiritti. Sonıń menen birge jaqsı nátiyjelerge erisken oqıwshılar sertifikatlar menen sıylıqlandı.
