Qíz bala-misli bir gúl, oníń jánede jasaríp, kózlerimizdi tárbiyasí ,ádep- ikramlílílíǵí menen jaynatíwí ushín ,oníń tárbiyasí hám bilim alíwína óz tálim dárgayí, ondaǵí ustazlar hám soníń menen bir qatarda pútkil jámiyet birdeyine juwapker bolíp tabíladí.
Házirgi waqítta hayal-qízlarímíz arasínda jínayatshílíq hám huqíqbuzarlíqlardíń ushrasíp atírǵaní hesh kimge sír emes ,bul hayal -qízlar atína úlken daq túsiretuǵín, ashínarlí jagʻdaylardíń biri bolíp tabíladí.

Bu bolsa bárshemizden jámiyet ushín juwapkershilikli bolíwdí talap qíladí .
Mine sol juwapkershilikti sezine otíríp student-qízlar arasínda hàr qıylı kewilsiz jaģdaylardíń aldìn alìw, olarǵa hár qanday tártip buzarlíqlar óz juwapkershiligine iye ekenin tereńrek túsindiriw maqsetinde Berdaq atíndaǵí QMU Hayal-qízlar keńesi tárepinen bir qansha úgit -nasiyat ilájlarlarí ámelge asírílíp barmaqtа.
Sonday ilájlardan biri 29- aprel kúni Ximiya-texnologiya fakultetinde profilaktika inspektorí hám usí taraw wákilleri menen ushrasíw shólkemlestirildi .
Ushrasíwdí ximiya-texnologiya fakulteti hayal-qízlar màseleleri boyınsha dekan màslahàtshisi R.Kalimbetova ashìp berdi.

Qízlarmíz arasında ushrasíp atírǵan hár qıylı tártip buzarlíqlardíń ushírap atírģaní biziń xalqímízģa jat illetlerden ekenin, atap ótti.
Bunnan soń ,Profilaktika inspektorí kapitan I.Erejepov, hayal-qízlar máseleleri boyınsha inspektor, leytenant A.Tańirbergenovalar sózge shíģíp,Bunday halatlardíń ushrasíwína baslì sebep bos waqıttíń kóp bolíwí waqtín mazmunsíz hám biykarshí isler menen ótkeriw ekenligi aytíldí .
Hár qanday huquqbuzarlíq halatlarí ushírassa àlbette olar arnawlí bántler menen jazalaníwí tiyisli ekenligi haqqında atap ótti. Bunnan soń student qìzlar ózleriniń qízíqtírǵan sorawlarína kerekli juwaplar ala aldí.

QMU hayal-qızlar keńesi.