Turkiyanıń Egey universiteti hám QMUniń Еkonomika fakulteti arasında birge islesiw jolǵa qoyılmaqta |

Turkiyanıń Egey universiteti hám QMUniń Еkonomika fakulteti arasında birge islesiw jolǵa qoyılmaqta

Berdaq atındaǵı Qaraqalpaq mámleketlik universiteti Еkonomika fakulteti hám Turkiyanıń Izmir qalasındaǵı Egey universiteti Еkonomika fakultetleri arasında onlayn sáwbet shólkemlestiridi. Ótkerilgen sáwbette Еgey universiteti Еkonomika fakulteti dekanı professor Nazan Gyunay hám onıń járdemshisi Еrxan Zallıoglu, ekonomika kafedrası baslıǵı Ayten Ayshe Kayya, hám onıń járdemshileri qatnastı.
Sonday-aq sáwbette QMU Еkonomika fakulteti dekanı T.Jiemuratov hám professor-oqıtıwshılar ózleriniń birge islesiw boyınsha tómendegishe usınısların berdi.
-Eki universitet arasında oqıw-metodikalıq processlerdi jetilistiriw maqsetinde akademiyalıq mobillik hám almasıw baǵdarlamaların jolǵa qoyıw.
-Eki universitet arasında ilim-izertlew jumısların jolǵa qoyıw (birgelikte ilimiy proektler islew, maqalalar jazıw, konferenciyalar ótkeriw, kitaplar jazıw, magistrantlarǵa, doktorantlarga hám ilimiy izleniwshilerge ilimiy basshı tayınlaw h.t.b.).
-«Úshinshi mıńjıllıq dinamikaları sharayatında Ózbekstan hám Turkiya mámleketleriniń ekonomikasın turaqlı rawajlandırıw hám investiciya tartımlılıǵın jetilistiriw» máselerinde ilimiy seminar ótkeriw.
-Studentlerde hám jas isbilermenlerde biznes kónlikpelerin hám biznes sananı qáliplestiriw boyınsha qısqa múddetli seminar treningler ótkeriw. (balıqshılık, qusshılık, ıssıxanalar, xızmet kórsetiw tarawları h.t.b.).
-Aral boyı aymaqlarındaǵı ekologiyalıq unamsız faktorlardıń azıq-awqat káwipsizligine tásirin bahalaw hám olardı jaqsılaw mexanizmin islep shıǵıw.
-Túrkshe – Qaraqalpaqsha, Qaraqalpaqsha – Túrkshe sawda-ekonomikalıq terminlerdiń túsindirme sózligin tayarlaw.
-17-20-may kúnleri «Dúnya júzlik ekosistema hám keleshek infrastrukturaları teńlik noqatı» konferenciyasında 4 shet eldiń 6 universiteti menen birge ótkeriletuǵın konferenciyada qatnasıw usınısıları menen shıǵıp, birge jańa joybarlar, maqalalar, ilimiy konferenciyalar ótkiziwdi kelisip aldı. Еgey universiteteti adminstraciyası bul pikirdi qollap-quwatlap, sáwbet juwmaǵında anıq rejeler belgilep alındı.