Usı jıldıń 30-aprel kúni shayırdıń tuwılǵan eli – Shımbay rayonında saltanatlı bayram keshesi bolıp ótti. Shımbay rayonı Xalıq bilimlendiriw bólimi tárepinen shólkemlestirilgen saltanatlı bayram keshede Qaraqalpaq mámleketlik universiteti qaraqalpaq ádebiyatı kafedrası docentleri B.Genjemuratov, P.Nurjanov hám kafedra assistenti Ǵ.Allamuratov, shayıra A.Óteniyazova hám shayırdıń qızı A.Yusupovalar miymanda boldı. Dáslep, miymanlar Shımbay rayonındaǵı Kúnxoja hám Berdaq shayırlardıń maqbaraların zıyarat etti.

Onnan soń Shımbay rayonı Akademiyalıq liceyi qasınan shólkemlestirilgen shayır Ibrayım Yusupov muzeyiniń bay eksponatları menen tanıstı. Sonday-aq miymanlar Shımbay rayonlıq Balalar muzıka mektebinde rayonlıq mektep oqıtıwshıları hám oqıwshıları menen  sáwbetlesiw ótkerdi. Ilajda miymanlar shayır I.Yusupovtıń insanıylıq pazıyletleri hám dóretiwshiligin tereń súyispenshilik penen eske alıp.  keshede shayır dóretiwshiligi tiykarında tayarlanǵan sazlı hám teatrlastırılǵan koncert baǵdarlaması menen dawam etti. Bayram keshesi miymanlarǵa hám rayon xalqında úlken quwanısh baǵıshladı.

Ǵayrat Allamuratov

QMU, Qaraqalpaq ádebiyatı kafedrası assistenti