2022-jıl 30-aprel kúni Evropa Awqamınıń Ózbekstandaǵı delegaciyası baslıǵı elshi Sharlotta Adrian hám Evropa Awqamına aǵza mámleketleriniń Ózbekstandaǵı diplomatiyalıq wákilxanaları basshıları menen Berdaq atındaǵı Qaraqalpaq mámleketlik universitetinde ushırasıw bolıp ótti.
Ushırasıwdı QMU rektorı A.Reymov ashıp berdi hám miymanlarǵa universitet tariyxı hám búgingi kúnde alıp barılıp atırılǵan jańalanıwlar, sonday-aq keyingi 5 jılda universitetimizdegi ózgerisler haqqında tolıq maǵlıwmatlar berdi.
Sonday-aq delegaciya aǵzalarınıń Qaraqalpaqstan Respublikasına saparı kóp tárepleme birge islesiw «Ishonch fondi» (Multi-Partner Human Security Trust Fund) joybarları hám Berdaq atındaǵı Qaraqalpaq mámleketlik universiteti menen jaqınnan tanısıp, óz-ara birge islesiwdi rawajlandırıw máselelerin jolǵa qoyıw bolıp tabıladı.
QMU baspasóz xızmeti.
