Berdaq atındaǵı Qaraqalpaq mámleketlik universiteti Yuridika fakulteti hayal-qızlar máseleleri boyınsha dekan másláhátshisi G.Pirniyazova Taqıyatas rayonında Máhálle hayal-qızları belsendileri menen birgelikte oqıw-seminar ótkerildi. Seminar dawamında Ózbekstan Respublikası Prezidentiniń 2022-jıl 7-mart kúngi PP-87-sanlı “Shańaraq hám hayal-qızlardı sistemalı qollap-quwatlawǵa baylanıslı jumıslardı ele de jedellestiriw is-ilajları haqqında”ǵı Pármanınıń mazmun hám áhmiyeti haqqında toqtalıp, hayal-qızlardıń tálim alıwı ushın kóplegen múmkinshiliklerdiń jaratılıp atırǵanlıǵı haqqında aytıp ótti.
Sonday-aq ilimiy dárejelelerin elede arttırıw maqsetinde magistratura basqıshında oqıp atırǵan hayal-qızlardıń kontrakt tólemlerin qaytarıw shártisiz qaplap beriliwi, qánigeligi boyınsha keminde 5 jıl miynet stajına iye, biraq joqarı maǵlıwmatqa iye bolmaǵan 500 hayal-qızlar hár jılı Shańaraq hám hayal-qızlar mámleketlik komiteti usınısına tiykar mámleket joqarı oqıw orınlarına ulıwma kvotadan tısqarı bólek test sınaqları nátiyjelerine muwapıq kontrakt tiykarında oqıwǵa qabıl etiletuǵınlıǵın aytıp ótti. Seminar juwmaǵında qatnasıwshılar ózleriniń qızıqtırǵan sorawlarına juwaplar aldı.
QMU Hayal-qızlar keńesi.
