Berdaq atındaǵı Qaraqalpaq mámleketlik universiteti Kórkem óner fakulteti professor-oqıtıwshıları hám student-jasları Moynaq rayonı, Qazaqdárya awıl puqaralar jıyınındaǵı 14-15-sanlı ulıwma orta bilim beriw mekteplerinde Cambridge tájiriybesi tiykarında oqıtıwshılardıń pedagogikalıq sheberligin arttırıw hám mektep pitkeriwshilerin kásip-ónerge baǵdarlaw sonday-aq ónermentshilik baǵdarlarında bilim kónlikpelerin rawajlandırıw boyınsha mektep oqıwshıları menen ushırasıw bolıp ótti.

Ushırasıwda Kórkem óner fakulteti dekanı H.Ótegenov sózge shıǵıp, mekteptiń pitkeriwshi oqıwshılarına universitette studentleri ushın jaratılǵan imkaniyatlar, sharayatlar haqqında keńnen maǵlıwmatlar berip ótti. Bunnan soń ushırasıwda, Kórkem-óner fakulteti Vokal hám saz áspab atqarıwshılıǵı qánigeligi studentleriniń koncert baǵdarlaması, ziyrek studentler tárepinen “Zakovat intellektual” oyını hám de suwretlew hám ámeliy kórkem óner qánigeligi studentleriniń dóretiwshilik jumıslarınıń kórgizbesi sonday-aq oqıwshılardı qol óneri hám ónermentshilikke úyretiw sıyaqlı qızıqlı ilajlar menen dawam etti.  Kún dawamında ótkerilgen ilajlarda belsene qatnasıp, jeńimpaz bolǵan oqıwshılar fakultet tárepinen tayarlanǵan diplom hám sawǵalar menen sıylıqlandı.