Berdaq atındaǵı Qaraqalpaq mámleketlik universiteti Ekonomika fakulteti Finans kafedrası professor-oqıtıwshıları hám student-jasları tarepinen Shimbay rayonı XBBne qaraslı  27-29-sanlı ulıwma orta bilim beriw mekteplerinde, oqıtıwshılar hám oqıwshılardıń finanslıq bilimin arttırıw maqsetinde, «Finanslıq sawatxanlıq» atamasında mektep oqıwshıları menen ushırasıw ótkerildi.

Ushırasıwda Finans kafedrası dotsenti Q.Xalmuratov sózge shıǵıp, mekteptiń pitkeriwshi oqıwshılarına universitette studentler ushın jaratılǵan imkaniyatlar, sharayatlar haqqında keńnen maǵlıwmatlar berip, elimizde ekonomika tarawın úyreniwge talap kúshli ekenligine ayrıqsha toqtalıp ótti. Sonday-aq Finans kafedrası dotsenti B.Sarsenbaev sózge shıǵıp, Ekonomika fakulteti haqqında hám student jaslarǵa jaratılǵan keń kólemli imkaniyatlar haqqında túsinik berip, óz ómir tájiriybelerinen mısallar keltirip, keleshek qurıwshıları bolǵan jaslardıń aldaǵı jumıslarında tabıslar tiledi.

    Bunnan soń 3 kurs studentleri I.Jalgasbaev hám Sh.Abatovlar mekteptiń pitkeriwshi oqıwshılarına Finanslıq sawatxanlıq boyınsha keń tusinik berip ótti. Sonıń menen birge, kún dawamında professor-oqıtıwshılar tárepinen 27-29-sanlı mektep oqıwshıları menen ashıq sàwbet ótkerilip, olardıń pikir hám usınısları tıńlandı.