Universitetimiz student qızları arasında salamat turmıs tárizin qáliplestiriw, reproduktiv salamatlıqtı bekkemlew, erte turmıs qurıwdıń aldın alıw maqsetinde «Densawlıq – tereń baylıq» atamasında Respublikalıq jas óspirimler dispanseri ginekolog shıpakeri Erpolatova Arzayım, miyirbiyke Qudaybergenova Nursulıw menen ushırasıw keshesi ótkerildi.

Ushırasıwǵa Tariyx, Geografiya hám tábiyiy resurslar, Dene mádeniyatı fakultetleriniń student qızları hám fakultet hayal-qızlar máseleleri boyınsha dekan másláhátshileri, tyutorlar qatnastı. Ginekolog shıpaker A.Erpolatova qızlardıń jeke gigienasına baylanıslı, kemqanlıq hám yod jetispewshiligi kesellikleriniń aldın alıw boyınsha maǵlıwmatlar berip ótti, sonday-aq student qızlarımız ózlerin qızıqtırǵan sorawlarına juwaplar alıp, tuwrı awqatlanıw, erte turmıs qurıwdıń aldın alıw boyınsha da shıpaker másláhátlerin aldı.

Hár bir qız keleshekte bolajaq ana, sol ushın da olardıń den-sawlıǵın saqlaw, olarǵa tuwrı baǵdar beriw búgingi kúnniń eń áhmiyetli wazıypalarınan biri esaplanadı.