Berdaq atındaǵı Qaraqalpaq mámleketlik universiteti Yuridika fakulteti professor-oqıtıwshıları hám ziyrek student-jasları Shomanay rayonı XBBne qaraslı 7-sanlı ulıwma orta bilim beriw mektebinde bolıp, ol jerde mekteptiń pitkeriwshileri hám joqarı klass oqıwshıları menen ushırastı. Ushırasıwdı ótkeriwden tiykarǵı maqset Ózbekstan Respublikası Prezidenti Sh.Mirziyoyev tárepinen 2022-jıl 5-aprel kúni xalıq bilimlendiriw tarawında ámelge asırılıp atırılǵan reformalardıń nátiyjeliligin arttırıw boyınsha videoselektor májilisinde berilgen tapsırmalarınıń orınlanıwın támiyinlew, sonday-aq mektep muǵállimlerin jańa metodika tiykarında qayta tayarlaw bolıp esaplanadı.
Ushırasıwda Yuridika fakulteti dekan orınbasarı Yu.Abdreymov shıǵıp soylep, Húrmetli Prezidentimiz tárepinen bilimlendiriw tarawında alıp barılıp atırǵan jumıslarǵa keń toqtalıp, mámleketimizde jańa ózgerisler haqqında tolıq maǵlıwmatlar berdi. Pitkeriwshi jaslardı joqarı oqıw orınlarında bilim alıwǵa shaqırdı. Sonday-aq jaslarǵa ózleriniń másláhát hám keńesleri menen «Jınayıy-huqıqıy hám puqaralıq-huqıqıy pánler» kafedrası docenti, yu.i.k., Q.Seytnazarov, «Jınayıy-huqıqıy hám puqaralıq-huqıqıy pánler» kafedrası assistenti N.Urazov, «Milliy ideya, ruwhıylıq tiykarları hám huqıq tálimi» kafedrası assistenti M.Sultaniyazov, mámleketlik stipendiant R.Bayjanova, «Mard uǵlon» kókirek nıshanı iyesi, Ózbekstan Respublikası Nızamshılıq Palatası Jaslar parlamenti aǵzası S.Sagatov, júziw boyınsha halıq-aralıq turnir jeńimpazı A.Yusupbaev shıǵıp sóyledi. Oqıwshı jaslar tek ǵana ustazlar menen ushrasıp qoymastan, fakultettiń «Zakovat» klubı aǵzaları menen birgelikte «Siz nızamdı bilesizbe?» tańlawı boyınsha bilimlerin sınaqtan ótkerdi. Sonıń menen bir qatarda shaxmat boyınsha universitet chempionı mekteptiń oqıwshı jaslarına master klass kórsetip, fakultettiń askeriy usınısına iye bolǵan student jaslar tárepinen watansúyiwshilik ruwxında kórgizbeli shıǵıwların kórsetti. Bul ushırasıw mektep oqıwshılarında úlken qızıǵıwshılıq payda etip hám hár biriniń kewlinde student bolıw úmitin oyattı.
Yu.Abdreymov yuridika fakulteti jaslar
máseleleri hám ruwhıy-aǵartıwshılıq
isleri boyınsha dekan orınbasarı
