Qaraqalpaqstan Respublikasında mekteplerde tálim-tárbiya procesin jaqsılaw maqsetinde is ilajlar ámelge asırılmaqta. Usı ilajlardan biri Matematika fakulteti “Funkсionallıq analiz, algebra hám geometriya” kafedrası tárepinen ámelge asırılatuǵın is-ilajlardı ǴXQ larında keń járiyalaw boyınsha MEDIA REJE” si tiykarında, joqarıda atap ótilgen is-ilajlardı ámelge asırıp kelmekte. Shomanay rayonı XBBne qaraslı 13-15 sanlı ulıwma bilim beriw mekteplerinde boldı. Mektep pitkeriwshileri ushın matematika baǵdarlarında bilim hám kónlikpelerin rawajlandırıw maqsetinde master klasslar ótkerildi.

QMU Matematika fakulteti “Funkcionalliq analiz, algebra hám geometriya” kafedrası úlken oqıtıwshısı Seidullaev Kamal hám kafedra  docenti Alauadinov Amir mektep oqıwshılarınıń tuwrı kásip tańlawlarında Matematika baǵdarı múmkinshiliklerin túsindirip ótti. Matematika fakulteti Funkcionallıq analiz, algebra hám geometriya kafedrası stajor oqıtıwshısı Kurbanbaev Xamid mektep oqıwshıların universitette ámeldegi múmkinshilikler hám shárt-shárayatlar menen tanıstırdı Sonıń menen bir qatarda QMU studenti bir neshe xalıq aralıq olimpiadalar jeńimpazı, mámleketlik stipendiya iyesi Fayzullaev Atabek hám magistrant Abdireymov Arislanbay mektep oqıwshılarına óz tájiriybeleri menen bólisti. QMU 1-kurs magistranti Palvanov Salamat mektep oqıtıwshıları hám oqıwshılarına mektep matematikasındaǵı olimpiada máseleleri boyınsha master klass ótkerdi. Ótkerilgen ilajlar menen birgelikte Matematika tálim baǵdarı hám Matematika qánigeliklerinde oqıp atırǵan studentler hám magistrantlar Palvanov Salamat, Fayzullaev Atabek hám Abdireymov Arislanbay tárepinen «Bilim ring» intellektual oyını ótkerdi.