Berdaq atındaǵı Qaraqalpaq mámleketlik universiteti Ekonomika fakulteti professor-oqıtıwshıları hám ziyrek student-jasları Shımbay rayonı XBBne qaraslı 32-sanlı ulıwma orta bilim beriw mektebinde bolıp, ol jerde mekteptiń pitkeriwshileri hám joqarı klass oqıwshıları menen ushırastı. Ushırasıwdı ótkeriwden tiykarǵı maqset Ózbekstan Respublikası Prezidenti Sh.Mirziyoyev tárepinen 2022-jıl 5-aprel kúni xalıq bilimlendiriw tarawında ámelge asırılıp atırılǵan reformalardıń nátiyjeliligin arttırıw boyınsha videoselektor májilisinde berilgen tapsırmalarınıń orınlanıwın támiyinlew, sonday-aq mektep muǵállimlerin jańa metodika tiykarında qayta tayarlaw bolıp esaplanadı. Shımbay rayonlıq XBB ne qaraslı 32-sanlı mektep pitkeriwshilerin kásip-ónerge baǵdarlawda isbilermenlik hám ónermentshilik baǵdarlarında bilim hám kónlikpelerdi rawajlandırıw boyınsha master klass ótkeriw haqqında. 

Ushırasıwda Ekonimika fakulteti dekanı docent T.Jiemuratov shıǵıp soylep, Prezidentimiz tárepinen bilimlendiriw tarawında, qalaberse jámiyetimizde hám ekonimikalıq turmısımızda alıp barılıp atırılǵan jumıslarǵa keń toqtalıp, mámleketimizde jańa ózgerisler haqqında tolıq maǵlıwmatlar berdi. Pitkeriwshi jaslardı joqarı oqıw orınlarında bilim alıwǵa shaqırdı. Sonday-aq jaslarǵa ózleriniń másláhát hám keńesleri menen «Buxgalteriyalıq esap hám audit» kafedrası baslıǵi, docent, e.i.k., S.Bayjanov, «Buxgalteriyalıq esap hám audit» kafedrası docenti, e.i.k., K.Ismaylovlar Shımbay rayonlıq XBB ne qaraslı 32-sanlı mektep pitkeriwshilerin kásip-ónerge baǵdarlawda isbilermenlik hám ónermentshilik baǵdarlarında bilim hám kónlikpelerdi rawajlandırıw boyınsha shıǵıp sóyledi hám Oqıwshı jaslar tek ǵana ustazlar menen ushrasıp qoymastan, fakultettiń «Zamanagóy buxgalteriya esabı» dógeregi aǵzaları, mekteptiń oqıwshı jaslarına master klass ótkerdi. Bul ushırasıw mektep oqıwshılarında úlken qızıǵıwshılıq payda etip, hár biriniń kewlinde student bolıw úmitin oyattı.