Universitetimizdiń «Ximiya texnologiya» fakulteti 2-3-kurs studentleri «Qońırat soda zavodı» JShJ qospa kárxanasında ámeliyatda boldı. Student-jaslarǵa Ximiyalıq texnologiya kafedrası oqıtıwshıları G.Kaipbergenova, A.Sadikova xám M.Adilxanovalar basshılıq etip bardı.

Ámeliyat dawamında studentlerimiz islep shıǵarıwdıń texnologiyalıq processleri menen jaqınnan tanısıp, oqıwda alǵan teoriyalıq bilimleriniń ámeldegi háreketin kózleri menen kórip, bilimlerin bekkemledi. Onnan soń, kárxana májlisler zalında student-jaslar ushın arnawlı ámeliy-seminar shólkemlestirildi.

Seminarda zavodtıń tiyisli qánigeleri ózleri alıp barıp atırǵan jumıslarına baylanıslı bayanatlar jasadı. Atap aytqanda, zavodtıń «Innovacion texnologiyalar hám ilimiy izleniwlerdi islep shıǵarıw» bólimi baslıǵı A.Qurbanova «Distillyat suyıqlıǵın qayta islew arqalı jańa ónim túrlerin alıw» temasında, «Investiciya» bólimi baslıǵı A.Erekeev «Soda zavodında 2022-2025-jıllarda ámelge asırılıwı rejelestirilgen investiciya proektleri» temasında hám «Islep shıǵarıw» bólimi joqarı kategoriyalı injeneri A.Reymbaev «Kalcinaciyalanǵan soda islep shıǵarıw ximiyalıq texnologiyaları» temalarında student-jaslarǵa túsindiriwler alıp bardı. Álbette, bunday ámeliyatlardıń shólkemlestiriliwi student-jaslardiń óz qánigeligine bolǵan qızıǵıwshılıqların jánede arttırıp, aldaǵı waqıtda jetik kadrlar bolıp jetilisiwinde áhmiyetli orın iyleydi.

Tayarlagan: Ximiyalıq texnologiya

kafedrası doc (PhD).                                                                                   

G.Kaipbergenova