Berdaq atındaǵı Qaraqalpaq mámleketlik universiteti Biologiya fakulteti professor-oqıtıwshıları Qońırat rayonı XBBne qaraslı 9-10 sanlı ulıwma orta bilim beriw mekteblerinde bolıp, ol jerde mekteptiń oqıtıwshıları hám joqarı klass oqıwshıları menen ushırastı. Ushırasıwdı ótkeriwden tiykarǵı maqset mekteplerde Cambridge tájiriybesin qollanıw, mektep oqıwshıların kásipke tayarlawdan ibarat. Sonday-aq ilajda Ulıwma biologiya hám fiziologiya kafedrası assistenleri Q. Aytbaeva hám M.Jiyenbaevalar shıǵıp soylep, Cambridge tájiriybesiniń áhmiyeti hám abzallıqları haqqında mektep oqıtıwshılarına tu’sinik berip ótti.
Mektep oqıwshılarına Ulıwma biologiya hám fiziologiya kafedrası stajyor-oqıtıwshıları A.Yusupova hám Ekologiya hám topıraqtanıw kafedrası stajyor-oqıtıwshısı Sh.Ayimbetovalar mektep pitkeriwshilerine Biologiya fakulteti hám qánigelikleri haqqında tolıq maǵlıwmat berdi. Ushırasıw dawamında biologiya páninen oqıwshılardıń bilimlerin sınaqtan ótkeriw maqsetinde qızıqlı viktarina oyınları shólkemlestirip, jeńimpazlarǵa arnawlı sawǵalar tapsırıldı. Bul ushırasıw mektep oqıwshılarında úlken qızıǵıwshılıq payda etip, hár biriniń kewlinde student bolıw úmitin oyattı.
