Búgin Berdaq atındaǵı Qaraqalpaq mámleketlik universitetinde «Ózbekstan Respublikasında Korrupciyaǵa qarsı gúresiwge qaratılǵan reformalar» temasında seminar bolıp ótti. Seminarda Qaraqalpaqstan Respublikası prokurorınıń birinshi orınbasarı S.Imatov hám Bas prokuraturanıń Korrupciyaǵa qarsı gúresiw tarawındaǵı is-ilajlardı muwapıwlastırıw basqarması baslıǵı orınbasarı Sh.Muxamatov, sonday-aq Nókis qalasındaǵı barlıq joqarı oqıw orınlar basshı xızmetkerleri, oqıtıwshılar, hám student-jaslar qatnastı. Seminardı universitet rektorı A.Reymov ashıp berdi hám alıp bardı.
Eń dáslep Qaraqalpaqstan Respublikası prokurorınıń birinshi orınbasarı S.Imatov sózge shıǵıp, Húrmetli Prezidentimizdiń jaslarǵa zaman talabına muwapıq tálim beriw, usı maqsette orta hám joqarǵı oqıw orınlarınıń materiallıq-texnikalıq bazasın túpten jaqsılaw, oqıtıwshılar hám ustazlarǵa múnásip miynet shárayatların jaratıwǵa ayrıqsha itibar qaratılıp atırılǵanın atap ótti. Álbette, bunıń negizinde bilimlendiriw tarawında korrupciyanı pútkil joq etiw bolıp esaplanadı.Bunnan soń Bas prokuraturanıń Korrupciyaǵa qarsı gúresiw tarawındaǵı is-ilajlardı muwapıwlastırıw basqarmas baslıǵı orınbasarı Sh.Muxamatov sózge shıǵıp, búgingi kúnde mámleketimizde Korrupciyaǵa qarsı gúresiw baǵdarında ámelge asırlıp atırılǵan reformalar, Korrupciyanıń hár qanday mámleket hám jámiyettiń siyasiy ekonmikalıq rawajlanıwına keri tásirin kórsetip, insan huqıq hám erkinlikleriniń ayaq astı bolıwına alıp keletuǵınlıǵın arnawlı slaydlarda kórsetip ótti. Sonıń menen bir qatarda Ádilik ministri orınbasarı E Tursunov sózge shıǵıp, Korrupciyaǵa qarsı gúresiw búgingi kún siyasatınıń áhmiyetli máseleleriniń biri eknligin hám bunday jamman illetke qarsı gúresiw maqsetinde kóplep nızam hújjetler qabıl etilip, bir qansha ilajlar ámelge asırılıp atırılǵanlıǵın aytıp ótti.
Seminardı ótkeriwden tiykarǵı maqset «Ózbekstan Respublikasında Korruaciyaǵa qarsı gúresiwge qaratılǵan reformalar» haqqında maǵlıwmatqa iye bolıw, solar qatarı korrupciyaǵa qarsı gúresiwge qaratılǵan mámleketlik siyasat, kúsheyttirilgen jınayiy juwapkershilik, korrupcion xabarlarǵa berilip atırılǵan xoshametler, tarawdaǵı ashıq-áshkaralıq hám mámleketlik dásturlerdiń orınlanıwı haqqında keń jámiyetshilikke maǵlıwmatlar beriw bolıp tabıladı. Seminar dawamında Korrupciyalıq jınayatlardı ashıwǵa kómeklesken, Nızam ústinligin támiyinlewde sonday-aq Korrupciyaǵa qarsı gúresiw baǵdarında óziniń dóretiwshilik jumısların kórsetken jaslarǵa Respublika prokurorınıń alǵısnamaları hám sawǵaları tapsırıldı. Bunnan tısqarı Respublika prokuraturası tárepinen universitet kitapxanasına sawǵa sıpatında kitaplar toplamı tapsırıldı.
