Házirgi kúnde metrologiya tarawına bolǵan itibar kúnnen kúnge artıp barmaqta. Sonlıqtan student-jaslar arasında elimizde  metrologiya tarawın rawajlandırıwǵa úgit násiyatlaw jumısları alıp barılmaqta. Berdaq atındaǵı Qaraqalpaq mámleketlik universiteti kásiplik awqamı hám Fizika fakulteti Elektr texnikası hám metrologiya kafedrası tárepinen 20-may dunya júzlik metrologiya kúni kásiplik bayramı múnasibeti menen «Kásibim maqtanıshım» atlı tańlaw shólkemlestirildi.

Tańlawda Fizika fakulteti professor oqıtıwshıları hám islep shıǵarıw orınlarınanda miymanlar qatnastı. Atap aytqanda  Elektr energetika kafedrası baslıǵı Phd docent Kamal Reymov Ózbekistan milliy metrologiya institutı Qaraqalpaqstan filialı metrologiyalıq támiynat bólim baslıǵı Baxadır Allanazarov Texnik tárepten tártipke salıw, standartlastırıw, sertifikatlastırıw hám metrologiya tarawında mámleketlik baqlaw Qaraqalpaqstan Respublikası departamenti baslıǵı  Azamat Qurbanovlar qatnastı. Tańlawdı Fizika fakulteti dekanı docent Abat Muratov ashıp berdi. Bunnan soń, sózge   Ózbekstan milliy metrologiya institutı Qaraqalpaqstan filialı baslıǵı Jaqsılıq Sadikovlar, professor oqıtıwshılar hám student jaslardı 20-may dunya júzlik metrologiya kúni múnasibeti menen qutlıqladı. Tańlawdıń 1-shárti Metrologiya tarawında jańadan bolıp atırǵan ashılıwlar hám jańalıqlar haqqında slayd jumısında student jaslar ózleriniń tapqırlıǵın, ziyrekligin hám belsendiligin kórsetken halda rus, ingliz tillerinde da slayd jumısların kórsetti. 2-shártte metrologiya tarawına tiyisli kórgizbeli quralları shárti bolıp, onda student-jaslar tárepinen islengen metrologiya tarawına tiyisli kórgizbeli qurallar kórsetildi. Bunda islengen kórgizbeli qurallar sırtqı kórinisi, mazmunı ólshew túrlerin óz ishine alǵanlıǵına qaray bahalandı. Tańlaw juwmaǵında 2a2 metrologiya qánigeligi studentleri 1-orındı, 2a1 metrologiya studentleri 2-orındı, 3-b metrologiya studentleri 3-orındı iyelledi.