Berdaq atındaǵı Qaraqalpaq mámleketlik universiteti Yuridika fakulteti, “Milliy ideya, ruwxıylıq tiykarları hám huqıq tálimi” kafedrasında «Puqaralıq jámiyetinde shaxs tárbiyası hám shańaraq institutınıń aktual máseleleri» atamasında professor – oqıtıwshıları, sırt el ilimpazları, jas ilimpazlar, tayansh doktorantlar, magistrantlar hám intalı studentler qatnasıwında respublika ilimiy ámeliy konferenciya bolıp ótti.
Bul konferenciyanı ótkeriwdegi tiykarǵı maqset Ózbekstanda shańaraqtı rawajlandırıwǵa global dárejede Birlesken Milletler Shólkeminiń Turaqlı rawajlanıw maqsetleri sheńberinde, sonıń menen birge, 2022-2026 jıllarda Ózbekstan Respublikasın rawajlandırıwdıń jeti baǵdarı boyınsha «Háreketler strategiyasınan — Rawajlanıw strategiyasına qaray» principi sheńberinde qaraladı. Puqaralıq jámiyette shaxs tárbiyası hám shańaraq institutınıń aktual máseleleri, kúshli hám ádalatlı puqaralıq jámiyetin qurıw boyınsha ámelge asırılıp atırǵan reformalardı analiz qılıw, socialliq sheriklik hám jámiyetshilik qadaǵalawı mexanizmleri natiyjeliligin arttırıw, olardı jáne de rawajlandırıwǵa tiyisli usınıslardı islep shıǵıw ushın ilimiy-ámeliy maydan jaratıw, sonıń menen birge, Ózbekstan Respublikası Prezidenti janındaǵı Puqaralıq jámiyetin rawajlandırıw boyınsha másláhát keńesiniń nátiyjeli iskerligin támiyinlew maqsetinde hám usı jóneliste olardıń aktivligin jáne de arttırıw esaplanadi.
Sonıń menen birge, konferenciya dawamında Puqaralıq jámiyetinde shaxs tarbiyasiniń teoriyalıq – metodologiyaliq máseleleri, bárkámal shaxstı tárbiyalawdıń social—siyasiy, ekonomikalıq hám ruwxıy faktorları, Ózbekstanda ámelge asırılıp atırǵan sociallıq-ekonomikalıq innovatsiyalar shańaraq párawanlıǵınıń zárúrli faktorı hám puqaralıq jámiyeti institutlarınıń shaxs tárbiyasında tutqan ornı haqqında aytıp ótildi.
Konferenciya shólkemlestiriwshileri tárepinen bul temada ilimiy jumıs menen shuǵıllanıwǵa tiyisli qatar máseleler, usılar qatarında milliy hám shet el jurnallarda ilimiy maqalalar járiyalaw, respublika hám xalıq aralıq konferenciyalarda tezislerdi tayarlaw, tiyisli tártipte rásmiylestiriw hám de baspadan shıǵarıw, ilimiy hám innovciyalıq iskerlik boyınsha tańlawlar, olarda qatnasıw tártibi hám shártleri haqqında keń túrde maǵlıwmatlar berildi.
Konferenciya juwmaǵında jas izertlewshilerdiń ózleri qızıqtırǵan sorawlarına ilaj shólkemlestiriwshileri tárepinen tiyisli juwaplar berilip, konferenciya joqarı dárejede ótkerildi.
“Milliy ideya, ruwxıylıq tiykarları
hám huqıq tálimi” kafedrası dotsenti
I.Jollıbekova
