Ózbekstan Respublikası Prezidentiniń 2020-jıl 12-avgust kúngi PQ-4805-sanlı qararı hám 2020-jıl 6-oktyabr kúngi «Informaciyalıq texnologiyaları boyınsha bilimlendiriw tarawın jánede jetilistiriw, ilimiy izertlewlerdi rawajlandırıw hám olardı IT-Industriya menen integraciya etiw ilajları haqqında»ǵı PQ-4851-sanlı qararı hám Ózbekstan Respublikası Prezidentiniń 2021-jıl 19-mart kúngi «Fizika tarawındaǵı bilim sıpatın jaqsılaw hám ilimiy izertleniwlerdi rawajlandırıw is-ilajları haqqıda»ǵı PQ-5032-sanlı qararları tiykarında ulıwma orta arnawlı bilim beriw mektepleri pitkeriwshi klass oqıwshıları arasında Ximiya hám Biologiya, informatika hám fizika pánlerinen kóp basqıshlı pán olimpiadası ótkerildi.
Bugingi kúnde usı olimpiada jeńimpazların sıylıqlaw, sonıń menen birge keleshegimiz bolǵan jas áwladtı tárbiyalawda, olardı hár bir pánge qızıqtırıp, tereń bilim beriwde óz úlesin qosıp kiyatırǵan ustazlarımızdı da sıylıqlaw máresimi bolıp ótti. Bunda Berdaq atındaǵı Qaraqalpaq mámleketlik universiteti studentleri Ózbekstan Respublikası Joqarı oqıw orınları studentleri arasında 2021-jıl 1-4-iyun kúnleri aralıǵında ótkerilgen Respublika pán olimpiadasınıń II basqıshında I, II hám III orındı alǵan ziyrek studentleri, sonday-aq usı 2022-jıl yanvar ayında Qaraqalpaq mámleketlik universiteti tárepinen shólkemlestirilgen qısqı dem alıs kúnlerin mazmunlı ótkeriw maqsetinde fakultetler kesiminde ótkerilgen hár bir tálim baǵdarı boyınsha ótkerilgen pán olimpiadasınıń I, II hám III orındı jeńimpazlarına Berdaq atındaǵı Qaraqalpaq mámleketlik universiteti tárepinen diplom hám sawǵalar tapsırıldı.
