Inglis til bilimi kafedrasında 2022-jıl aprel ayında, aldın ala qorǵaw jumısınan tabıslı ótken, kemshilikleri saplastırılǵan pitkeriw qánigelik jumısları qorǵawǵa jiberilip, filologiya tálim baǵdarı pitkeriwshi studentleriniń qorǵaw jumısları 2022-jıl 1-iyun sánesinen baslap ótkerilmekte. Qorǵaw jumısına shet tiller fakulteti dekanı Dj.Kurbanbaev, inglis til bilimi kafedrası baslıǵı G.Djoldasova, ilimiy basshılar professor-oqıtıwshılar, studentler qatnastı.
Hár bir pitkeriw qániygeligin qorǵaw dawamında pitkeriwshiler óz qániygelik jumısı tiykarında prezentatsiyalar tayarlap, qánigelik jumıs boyınsha ámelge asırılǵan jumıslar, diplom jumısınıń mazmunı, maqseti, jańalıǵı, ózgesheligi, tájiriybe sınaw nátiyjeleri, paydalanılǵan ádebiyatlar haqqında tolıq maǵlıwmatlar berdi. Pitkeriw qánigelik jumıslar boyınsha professor-oqıtıwshılar tárepinen sorawlar berilip, jumıs qayta kórilip, komissiya aǵzaları pikirleri, qorǵaw dárejesine tiykarlanıp, tiyisli bahaları qoyıldı.
