Qaraqalpaq mámleketlik universiteti 2022-2023-oqıw jılı ushın Ózbekstan Respublikası Prezidenti Mámleketlik stipendiyası hám Ataqlı Mámleketlik stipendiyalarına óz tańlawın daǵazalaydı. Ózbekstan Respublikası Prezidenti Mámleketlik stipendiyası – barlıq baǵdarlar boyınsha aqırǵı 4-kurs studentleri hám magistratura qánigelikleriniń aqırǵı 2-kurs studentleri ushın Uluǵbek, Beruniy Mámleketlik stipendiyası – anıq hám tábiy pánler tálim baǵdarı boyınsha 3-4- kurs studentleri ushın Nawayı Mámleketlik stipendiyası – social-gumanitar pánler tálim baǵdarı boyınsha 3-4-kurs studentleri ushın Islam Karimov, Tólepbergen Qayipbergenov, Ibrayım Yusupov Mámleketlik stipendiyaları barlıq tálim baǵdarı boyınsha 3-4-kurs studentleri ushın Berdaq stipendiyası barlıq tálim baǵdarı boyınsha 3-4- kurs studentleri qatnasıwǵa boladı.

Tańlawda qatnasıwdı qálewshi intalı studentlerge tómendegi talaplar qoyıladı:

bárshe pánlerden ayrıqsha hám jaqsı (barlıq semestr nátiyjelerine kóre ózlestiriw kórsetkishi 85% dan joqarı) bahaǵa ózlestirgen bolıwı;

oqıp atırǵan bakalavriat tálim baǵdarı boyınsha temada ilimiy-izertlew jumısı menen shuǵıllanıp, qollanba, ilimiy maqala, tezis hám tálim baǵdarına arnalǵan maqalalar baspadan shıǵarılǵan bolıwı, dóretiwshilik jumısları bolıwı; 

ótkerilgen tańlawlarda belsene qatnasqan jetiskenlikleri bolıwı;

bilimlendiriw tarawı jámiyet jumıslarında belsendiligi.

Tańlawda qatnasıwdı qálewshi intalı studentler ózleri oqıytuǵın fakultet dekanatına óz arzaları menen múrájat etiwi tiyis. Talabanlar hújjetleri Ózbekstan Respublikası Ministrler Kabinetiniń 2021-jıl 4-noyabr kúngi 674-sanlı qarar talapları boyınsha rásmiylestiriliwi kerek. Fakultet dekanatı dıqqatına! Hújjetler 2022-jıldıń 25-iyun kúnine shekem Ziyrek studentlerdiń ilimiy izertlew jumısların shólkemlestiriw bólimine tapsırılıwı tiyis. Talabanlar tek fakultet dekanınıń usınısına qaray qabıl etiledi.

 Baylanıs ushın telefon : Tajimuratova Ayjamal (91) 392-77-79