Qızlardıń tárbiyasına ata-babalarımız erte dáwirlerden baslap itibar menen qaraǵan. Qızbala hár bir shańaraqtıń ar-namısı bolǵanlıqtan, ata-babalarımız «Qızbalaǵa qırıq úyden jıyıw, bir úyden tıyıw» bolıwı kerek dep biykarǵa aytpaǵan. Qızlarımızdıń tálim-tárbiyası boyınsha Qaraqalpaq filologiyası hám jurnalistika fakulteti hayal-qızlar máseleleri boyınsha dekan másláhátshisi Anargul Qazaqbaeva hám tyutor Gulaysha Utegenova menen birgelikte ijarada turatuǵın student qızlarımızdıń hal-jaǵdaylarınan xabar alındı. Qızlarımızdıń jasaw shárayatı, jaqsı oqıp bilim alıwları ushın ol jerdegi jaratılǵan shárayatlar, sabaqlarǵa qatnası, tálim-tárbiyası boyınsha hár tárepleme sáwbetlesildi.

Ijarada turatuǵın student qızlarımızdıń jasaw mánzillerine barǵanımızda, qızlarımızdıń xanalarınıń tazalıǵı, qızlardıń bir-biri menen awızbirshilikli qarım-qatnası dıqqatımızdı tarttı. Qızlarǵa mine usınday bir-biri menen awızbirshilikli bolıp jasawı kerekligi, kóp qabatlı jay bolǵanlıǵı ushın qasındaǵı basqa xanalarǵa kesent etpewi kerekligi, sabaq hám imtixanlarına tayarlanıp, oqıwın tabıslı juwmaqlap, úylerine qaytıwı, sonday-aq, keshki waqıtları biy mezgil kóshede júrmewleri, úylerine sebepsiz adam jıynamawı kerekligi haqqında eskertiwler berildi.

Anargul Qazaqbaeva

Qaraqalpaq filologiyası hám jurnalistika fakulteti

hayal-qızlar máseleleri boyınsha dekan másláhátshisi