Ózbekstan Respublikası Prezidentiniń 2021-jıl 1-aprel kúngi «Ilim pán tarawındaǵı mámleket siyasatı hám innovacion rawajlandırıwdaǵı mámleket basqarıwın ele de rawajlandırıw is-ilajları haqqında»ǵı PQ-5047-sanlı qararınıń 1.6.18.1-bándinde joqarı oqıw orınlarında innovaciya hám “startup” mádeniyatın ámeliy-seminarlar arqalı jaslar sanasında payda etiw hám keń en jaydırıw wazıypası belgilep berilgen. Usı wazıypalardıń orınlanıwın támiyinlew maqsetinde búgin Berdaq atındaǵı Qaraqalpaq mámleketlik universitetinde Ózbekstan Respublikası innovacion rawajlanıw ministrligi, Qaraqalpaqstan Respublikası aymaqlıq innovacion rawajlanıw basqarması hám Nókis jaslar texnoparki arnawlı qánigeleri tárepinen seminar-trening ótkerildi. Seminarda Ózbekstan Respublikası Innovaciyalıq rawajlanıw ministrligi – Innovaciyalıq infrastrukturalar hám texnoparklerdi rawajlandırıw basqarması bas qánigesi Alisher Mirzaev, Ózbekstan Respublikası Innovaciyalıq rawajlanıw ministrligi – Innovaciyalıq infrastrukturalar hám texnoparklerdi rawajlandırıw basqarması bas qánigesi Rasulbek Otaxanov, «Nókis Jaslar texnoparki» JSHJ direktori Rustamjon Madraimov, Qaraqalpaqstan Respublikası aymaqlıq innovaciyalıq rawajlanıw basqarmasınıń Innovaciyalıq infrastrukturalardı rawajlandırıw boyınsha jetekshi qánigesi Muxammedjan Ikimetovlar hám student-jaslar qatnastı.
Seminardı shólkemlestiriwden maqset:
-Student-jaslardı Ózbekstan Respublikası innovacion rawajlanıw ministrligi, Qaraqalpaqstan Respublikası aymaqlıq innovacion rawajlanıw basqarması hám Nókis jaslar texnoparki haqqında maǵlıwmatlar menen tanıstırıw;
-Qábiletli jaslardıń áhmiyetli jónelisler boyınsha joybarların kórip shıǵıw hám Ózbekstan Respublikası innovacion rawajlanıw ministrligi tárepinen grantlar ajıratılatuǵın tańlawlarǵa baǵdarlaw;
-Ilimiy-texnik, innovacion hám startap-joybarlardı ámeliyatqa engiziw maqsetinde túsindiriw jumısların alıp barıwdan ibarat.
