Usı jıldıń 15-iyun kúni Húrmetli Prezidentimiz basshılıǵında xalıqtı kásip-ónerge tayarlawdı jetilistiriwge baǵıshlanǵan videoselektor májilisinde berilgen tapsırmalardıń orınlanıwın támiyinlew maqsetinde. Búgin Ózbekstan Respublikası Joqarı hám orta arnawlı bilimlendiriw ministriniń orınbasarı S.Buzrukxanov hám Berdaq atındaǵı Qaraqalpaq mámleketlik universiteti rektorı A.Reymovlar Nókis qalasındaǵı Professional bilim beriw oqıw orınlarnıń jumısların kózden keshirdi.

Daslep Nókis qalası 1-sanlı kásip-óner mektebinde bolıp, ol jerde oqıw imaratı hám ámeliyat xanaları, sonıń menen birge oqıwshılar ushın jaratılǵan shárayatlar menen tanıstı.

Bunnan soń, mektep oqıtıwshıları menen sáwbetlesip, Húrmetli Prezidentimizdiń basshılıǵında xalıqtı kásip-ónerge tayarlawdı jetilistiriwge baǵıshlanǵan videoselektor májilisinde berilgen tapsırmalardıń mazmun-mánisin túsindirip, ásirese kásip-óner mekteplerin zaman talaplarına maslastırıw boyınsha jańa sistema engiziliwi hám Professional tálimdi rawajlandırıw fondı shólkemlestirilip, oǵan 50 mlrd som qaratılıp, Kelesi jıl 1 yanvardan baslap ilimiy dárejesi bar texnikum oqıtıwshılarınıń is haqısı joqarı oqıw ornı oqıtıwshılarına teńlestiriliwi haqqında tolıq maǵlıwmat berdi.

QMU Baspasóz xızmeti