Usı jıldıń 28 iyun kuni Sanaat texnologiyası fakultetinde Korrupciyanıń aldın alıw hám oǵan qarsı gúresiw atamasında ushırasıw bolıp ótti. Ushırasıwdı fakultet dekanı  R.Qurbaniyazov kiris sóz benen ashtı hám alıp bardı. Ol dáslep ushırasıw qatnasıwshılarına kún tártibin ham ushırasıwǵa qatnasıp otırǵan miymanlardı tanıstırdı. R.Qurbaniyazov Korrupciya – tek ǵana jınayat huqıqınıń yaki kriminologiyanıń mashqalası emes. Korrupciya quramalı siyasiy, ekonomikalıq hám ádep-ikramlılıq mazmunǵa iye bolǵan keń kólemli mashqala ekenligin aytıp ótti hám tálim sistemasında korrupciyaǵa baylanıslı huqıqbuzarlıqlardıń aldın alıw boyınsha universitet professor-oqıtıwshılar aldındında turǵan wazıypalar haqqında toqtalıp ótti.

Bunnan soń, universitet korrupciyaǵa qarsı gúresiw, komplaens qadaǵalaw bólimi baslıǵı K.Uteniyazovlar sózge shıǵıp Ózbekistan Respublikası Jınayat huqıqında korrupciya degende shólkemlesken jınayatshılıq, para alıw, para beriw hám para alıw beriwde dáldalshılıq etiw, sonday-aq, xızmetkerdi para berip ózine qaratıp alıw túrindegi jınayatlar kórsetilgenligin atap ótti hám bulardıń ishinde eń kóp ámeliyatta ushırasatuǵını paraxorlıq jınayatları yaǵnıy, JK 210-para alıw, 211-para beriw, 212-para alıw-beriwde dáldalshılıq qılıw, 213-xızmetshini para esesine awdırıw jınayatları ekenligin tusindirip, Korrupciya bul qálegen mámlekettiń rawajlanıwına tosqınlıq etetuǵın jaman illet ekenin aytıp ótti.