Búgin 2-avgust kúni Berdaq atındaǵı Qaraqalpaq mámleketlik universitetinde Dene mádeniyatı hám Dizayn (arxitekturalıq landshaft dizayn) tálim baǵdarlarına kásiplik (dóretiwshilik) imtixanları bolıp ótpekte. Aldın xabar bergenimizdey imtixanlardı ádil hám ashıq-aydınlıq penen ótiwi ushın universitet tárepinen barlıq qolaylı shárayatlar jaratılǵan bolıp, abiturientler hám olardıń ata-anaları ushın kútiw orınları sonday-aq, imtixan procesin internet arqalı tuwrıdan tuwrı onlayn rejimde baqlap barıw imkaniyatı jaratılǵan.
Ótkerilip atırılǵan imtixanlardı ádil hám ashıq-aydınlıqtı támiyinlew hám imtixanlardı nızam talaplarına say ótkeriliwin baqlap barıw maqsetinde imtixanlarǵa Oliy Majlis Senatı aǵzası, Ózbekstan Respublikası Joqarı hám orta arnawlı bilimlendiriw ministrliginen bir qatar wákiller sonday-aq, Nókis qalalıq deputatları qatnaspaqta. Sonıń menen bir qatarda imtixan ótkerilip atırılǵan orınlarda jámiyetlik tártipti saqlawda Milliy gvardiyanıń Qaraqalpaqstan Republikası boyınsha basqarması xızmetkerleri hám Qaraqlpaqstan Respublikası densawlıqtı saqlaw ministrligi shıpakerleri pidayılıq penen jumıs alıp barmaqta. Haqıyqatında da ádil hám ashıq-aydınlıq tárizde ótkerilip atırǵan imtixanlar haqıyqıy óz bilimi hám sporttaǵı joqarı sheberligi bar jaslar ushın jáne bir jaqsı imkaniyat bolıp tabıladı.
Maǵlıwmat ushın Berdaq atındaǵı Qaraqalpaq mámleketlik universitetinde 2022-2023-oqıw jılı ushın kásiplik (dóretiwshilik) imtixanları usı jıldıń 5-avgust sánesine shekem dawam etedi.
QMU Baspasóz xızmeti.
