Usı jıldıń 2-avgust kúni Berdaq atındaǵı Qaraqalpaq mámleketlik universitetinde Ózbekstan Respublikası Awıl-xojalıǵı ministriniń orınbasarı, Awıl-xojalıǵında bilim hám innovaciyalar milliy orayı bas direktorı biologiya ilimleri doktorı, professor Turaev Alisher Melsovich penen «Molekulyar biologiya iliminiń rawajlanıwı» atamasında ushırasıw bolıp ótti. Ushırasıwǵa Biologiya fakulteti professor-oqıtıwshıları, doktorantlar hám erkin izleniwshiler qatnastı. Ushırasıwda professor Turaev Alisher Melsovich qatnasıwshılarǵa Molekulyar biologiya, biotexnologiya, gen injeneriyası ilimleriniń rawajlanıwı hám mashqalaları haqqında keń túrde túsinik berdi. Sonday aq invitro, invivo usılları boyınsha alıp barılıp atırǵan ilimiy laboratoriyalıq jumıslar boyınsha maǵlıwmat berdi. Ushırasıw juwmaǵında qatnasıwshılar ózlerin qızıqtırǵan sorawlarǵa juwaplar aldı. Bunnan soń professor A.Turaev Biologiya fakultetindegi Bioekologiya ilim-izertlew laboratoriyası menen tanısıp shıqtı hám keleshekte usı laboratoriya tiykarında Molekulyar biologiya hám biotexnologiya laboratoriyaların shólkemlersitiriw boyınsha usının bildirdi.
