Usı jıldıń 9-avgust kúni Berdaq atındaǵı Qaraqalpaq mámleketlik universitetinde «Jaslardı tárbiyalawda ustazlardıń ornı girewli» atamasında ushırasıw bolıp ótti. Ilajda Universitet Prorektorları, bólim baslıqları hám barlıq bólim xızmetkerleri qatnastı. Ushırasıwda Berdaq atındaǵı Qaraqalpaq mámleketlik universiteti rektorı A.Reymov shıǵıp sóylep, usı jıldıń 1 hám 2-iyul kúnleri Paytaxtımız Nókis qalasında bolıp ótken kewilsiz waqıyalar haqqında toqtalıp, bul waqıyalarǵa kópshilik jaslarımız bilip bilmey aralasıp qalǵanlıǵı, ásirese student-jaslarımızdıń aralasıp qalǵanı ashınarlı jaǵday ekenligin aytıp ótti. Sonlıqtan bunday jaǵdaylardı boldırmaw maqsetinde, aldaǵı waqıtları qıraǵılıqtı asırıw, ásirese, jámiyettiń tiykarǵı jetekshi kúshleri esaplanǵan jaslardı joqarı intellektual qábiletli, dúnyada hám mámleketimizde júz berip atırǵan siyasiy-ekonomikalıq ózgerislerge sanalı qatnas jasay alatuǵın ruwxıy dúnyası bay, jetik qániygeler etip tárbiyalawda biz ustazlar hám jası úlkenlerdiń ornı girewli ekenligin aytıp ótti.
Bunnan soń, sózge shıqqanlar Mámleketimizde ámelge asırılıp atırılǵan reformalar, jaslarımızǵa berilip atırılǵan imkaniyatlar, sonday-aq Qaraqalpaqstan Respublikasındaǵı sońǵı jıllarda jańalanıwlar haqqında keń jámiyetshilikke túsindirip, 2022/2023 oqıw jılında student-jaslarımız arasında milletlerara tatıwlıq, óz-ara mehir-aqıbet ortalıǵın bekkemlewge qaratılǵan ǵalabalıq ilájlardı shólkemlestiriw kerek ekenligin bildirip ótti. Sonıń menen bir qatarda ushırasıwda universitetimizdiń prorektorları, bólim baslıqları sózge shıǵıp, Mámleketimizde ámelge asırılıp atırılǵan reformalar, jaslarımızǵa berilip atırılǵan imkaniyatlar haqqında keń túrde úgit-násiyatlaw jumısların alıp barıw, olardıń tálim-tárbiyasına, hámme teńdey juwapker ekenligin aytıp ótti.
QMU Baspasóz xızmeti
