Bárshemizge málim 2022/2023 oqıw jılı ushın joqarı oqıw orınlarına kiriw ushın test sınaqları 8-avgustdan baslanǵan bolıp, búgin usı test sınaqlarınıń 4-kúni dawam etpekte. Test sınaqları eki smenada, birinshi smena 07.00 den 10.00.ge, ekinshi smena 19.00 den 22.00 ge shekem bolıp ótepekte. Qaraqalpaq mámleketlik universitetiniń sport sarayında ótkerilip atırǵan test sınaqlarında universitet administraciyası basshılıǵında professor-oqıtıwshılar, test sınaqlarına biriktirilgen juwaplı xızmetkerler, jámiyetlik tártipti saqlaw, jol háreketi hám órt qáwipsizligin támiyinlew ushın Ishki isler ministrligi, Milliy gvardiya hám Ayrıqsha jaǵdaylar basqarması jánede densawlıqtı saqlaw ministrligi xızmetkerleri biriktirilgen.

Test sınaqları ótkeriletuǵın obektler átirapında ata-analar ushın barlıq qolaylıqlar, sonday-aq, test sınaqları bolıp ótetuǵın orınlarda ádilik hám ashıq-aydınlıqtı támiyinlewge úlken itibar qaratılǵan. Test ótkeriletuǵın orınlarǵa kameralar ornatılıp, internet arqalı tikkeley test2022.uz saytı arqalı onlayn rejimde baqlap barıw imkaniyatı jaratılǵan. Bul óz gezeginde ata-analar hám keń jámiyetshilik wákilleriniń  qálegen orınnan turıp test sınaqların  baqalap, barıw imkaniyatın jaratıp beredi.

QMU Baspasóz xızmeti