Búgin Berdaq atındaǵı Qaraqalpaq mámleketlik universitetinde 2021/2022 oqıw jılı pitkeriwshileri menen ilim, bilimlendiriw hám óndiris integraciyasın támiynlew, sonıń menen bir qatarda pitkeriwshi jaslardı jumısqa jaylastırıw maqsetinde «Enter Engineering Group» kompaniyası xızmetkerleri menen ushırasıw bolıp ótti. Ushırasıwdı universitetimizdiń oqıw isleri boyınsha prorektorı O.Dúysenbaev ashıp berdi hám alıp bardı. Ushırasıwdı ótkeriwden tiykarǵı maqset universitet pitkeriwshilerin «Enter Engineering Group» kompaniyası proektleri, sonday-aq, kompaniyanıń jumısqa alıw shártleri jumıs islew processi, jumıs shárayatları menen tanıstırıw bolıp tabıladı.
Onda tiykarınan; «Enter Engineering Group» kompaniyasınıń Ózbekstan Respublikası aymaǵında ámelge asırılǵan proektlerinen, GTL gazdi qayta islew zavodı, Kandım kánler toparı gazdi qayta islew zavodı, Tashkent qalasındaǵı kóp maqsetli muz maydanshası «HUMO ARENA» Samarqand turstlik orayı sonday-aq, Qaraqalpaqstan Respublikası aymaǵında jaylasqan Tebinbulaq temirdi qayta islew kompleksi qurılısları haqqında ushırasıw qatnasıwshılarına taraw qániygeleri tárepienen túsink berildi.
Sonıń menen birqatarda, kompaniya qániygeler tárepinen, Enter Engineering kompaniyasında xızmetkerlerge hám jumısshılarǵa jartılǵan shárt-shárayatlar menen tanıstırdı. Ushırasıw juwmaǵında «Enter Engineering Group» kompaniyasınıń qániygeleri aldaǵı waqıtları Berdaq atındaǵı Qaraqalpaq mámleketlik universiteti pitkeriwshilerin komponiyada birge jumıs islewge mirát etti.
Maǵlıwmat ushın Tel: +99890 959-59-60 / +998 78 150-17-17
https://www.ent-en.com/en/https://www.ent-en.com/en/
hr.ee@ent-en.com
ish@ent-en.com
QMU Baspasóz xızmeti
