Usı jıldıń 13-avgust kúni Nókis qalası «Jańabazar» MPJ aymaǵında jasawshı Berdaq atındaǵı Qaraqalpaq mámleketlik universitetinde oqıp bilim alıp atırǵan student-jaslar menen ushırasıw bolıp ótti. Onda Berdaq atındaǵı Qaraqalpaq mámleketlik universiteti rektorı A.Reymov, jaslar máseleleri boyınsha prorektor S.Alauatdinov, oqıw metodikalıq basqarması baslıǵı B.Daumenov, jaslar jetekshisi D.Abadanov «Jańabazar» MPJ baslıǵı S.Allamuratov, universitet tyutorları hám student-jaslar qatnastı. Ushırasıwda rektor A.Reymov shıǵıp sóylep, insannıń jaqsı jasawı kámil insan bolıp jetilsiwinde densawlıq hám tınıshlıq úlken áhmiyetke iye ekenligi aytıp, usı jıldıń 1-2-iyul kúnleri Nókis qalasında bolıp ótken kewilsiz waqıyalar bársheni birdey táshwishke salıp, bul waqıyalarǵa kópshilik jaslarımız bilip bilmey aralasıp qalǵanlıǵı haqqında aytıp ótti. Sonday-aq, Húrmetli Prezidentimiz birinshi náwbette tınıshlıq hám tatıwlıq kerek, onı asırap-abaylaw hámmemizdiń minnetimiz bolıw kerek ekenligin, Mámleketimizde ámelge asırılıp atırılǵan reformalar, Qaraqalpaqstan Respublikasındaǵı sońǵı jıllarda jańalanıwlar haqqında studen-jaslarımızga mısallar menen túsindirip ótti.
Bunnan soń, Jaslar máseleleri boyınsha prorektor S.Alauatdinov, sózge shıǵıp, tınıshlıq hám tatıwlıq qádiri, mámleketimizde ámelge asırılıp atırılǵan reformalar, jaslarımızǵa berilip atırǵan imkaniyatlar sonıń menen bir qatarda jámiyetimizde bilim alaman, óner úyrenemen degen hár bir insanǵa mámleketimiz tárepinen keń imkaniyatlar jaratılıp berilgeni haqqında aytıp ótti. Ushırasıwda «Jańabazar» MPJ aymaǵında jasawshı studen-jaslar óz pikirlerin bildirip, búgingi kúnde máhálledegi jańalanıwlar, ózgerislerden quwanıshlı ekenligin hámde jaslarǵa berilip atırǵan imkaniyatlardan sheksiz minnetdarshılıǵın bildirdi. Ushırasıwda student-jaslardıń oqıw processi menen baylanıslı sorawları múrájatları tıńlandı hám hár bir múrájat dizimge alınıp tiyisli tártipte sheshiliwi boyınsha túsindiriwler berildi.
QMU Baspasóz xızmeti
