Búgin, 19-avgust kúni Berdaq atındaǵı Qaraqalpaq mámleketlik universitetinde 2022-2023-oqıw jılı ushın Texnikumlardı tabıslı tamamlaǵan abiturientlerdi oqıwǵa qabıl etiw boyınsha jeke tártiptegi sáwbet ótkeriw óz juwmaǵına jetpekte.

Sáwbetti shólkemlestiriw processinde ádilik hám ashıq-aydınlıqtı támiyinlewge úlken itibar qaratılǵan. Sáwbet ótkeriletuǵın orınlarǵa kameralar ornatılıp, internet arqalı tuwrıdan tuwrı onlayn rejimde baqlap barıw imkaniyatı jaratılǵan. Bul óz gezeginde ata-analar hám keń jámiyetshilik wákilleriniń  qálegen orınnan turıp sáwbet processin  baqalap, barıw imkaniyatın jaratıp beredi.

Maǵlıwmat ushın Texnikumlardı tabıslı tamamlaǵan abiturientlerdi oqıwǵa qabıl etiw boyınsha Berdaq atındaǵı QMU tárepinen usı jıldıń 11-19-avgust kúnleri jeke tártiptegi sáwbet ótkeriw kestesi tastıyıqlanǵan edi. Usı kestege muwapıq búgin sáwbet ótkeriwdiń  juwmaqlawshı kúni bolıp esaplanadı.

QMU Baspasóz xızmeti