Berdaq atındaǵı Qaraqalpaq mámleketlik universiteti Kórkem óner fakulteti birinshi kurs studentlerine jańa oqıw jılında bilimin hám kónlikpelerin qáliplestiriwge qaratılǵan “Bilim alıwdı úyrenemiz” atamasında ilaj bolıp ótti. Ilajǵa universitetimizdiń Jaslar máseleleri boyınsha prorektor S.Alauatdinov, “Ulıwma ekonomikalıq pánler” kafedrası baslıǵı, professor, Qaraqalpaqstan Respublikasına miyneti sińgen ekonomist G.Utemuratova, Universitet úlken yurist másláhatshisi A.Baymuratov, universitet profilaktikalıq inspektorı, kapitan I.Erejepov hám Hayal-qızlar máseleleri boyınsha profilaktikalıq inspektorı R.Tasbaeva hám student-jaslar qatnastı.
Ilajdı Kórkem óner fakulteti jaslar menen islesiw boyınsha dekan orınbasarı I.Djumaniyazov alıp bardı. Dáslep universitetimizdiń jaslar máseleleri boyınsha prorektorı S.Alauatdinov sózge shıǵıp bársheni 2022/2023 jańa oqıw jılında oqıwǵa qabıllanıp, student bolıw baxıtına miyassar bolǵanı menen qızǵın qutlıqlap hám olarǵa universitetimizde jaratılǵan imkaniyatlar haqqında aytıp ótti. Bunnan soń, Qaraqalpaq mámleketlik universiteti professorı, Qaraqalpaqstan Respublikasına miyneti sińgen ekonomist G.Ótemuratova sózge shıǵıp, Ózbekstan Respublikası Prezidentiniń 2022 jıl 31-avgust kúni tastıyıqlanǵan «Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında»ǵı Pármanınıń mazmunı, sonday-aq, Qaraqalpaqstan Respublikasında bilimlendiriw tarawında qosımsha imkaniyatlar hám insan kapitalı rawajlanıwın jańa basqıshqa kóteriwge sharayat jaratıw baǵdarındaǵı imkaniyatlar haqqında aytıp ótti. Sonday-aq, ilajda Universitet úlken yurist másláhátshisi A.Baymuratov Studentlerdiń bilim alıw dawamında ámel etiw kerek bolǵan tártip-intizamnıń eń tiykarǵı qaǵıydaları yaǵnıy universitet Ishki tártip qaǵıydası hám Ádep ikramlılıq kodeksiniń haqqında túsinik berip ótti. Sonıń menen bir qatarda student-jaslar arasında húqıqbuzarlıq hám jınayatshılıqtıń aldın alıw boyınsha profilaktikalıq inspektorı, kapitan I.Erejepov student-jaslarǵa úgit-násiyat jumısların alıp bardı. Ilaj dawamında studentler ózleriniń qızıqtırǵan sorawların berip, taraw qániygelerinen tiyisli juwaplar aldı.
QMU baspasóz xızmeti
