Qaraqalpaq mámleketlik universiteti rektoratı baslaması menen usı jıldıń 10-sentyabr kúni shet tilleri fakulteti dekanı Dj.Kurbanbaev basshılıǵında professor-oqıtıwshılar hám ziyrek studentler Taxtakópir rayonında boldı. Sapardıń tiykarǵı maqseti Prezidentimizdiń «Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında»ǵı 213-sanlı Pármanınıń mazmunı hám Qaraqalpaqstan xalqı ushın berilip atırǵan jeńillikler, jaslarǵa berilip atırǵan imkaniyatlar haqqında keń túrde túsindiriw bolıp tabıladı.
Professor-oqıtıwshılar hám studentlerden ibarat bolǵan topar dáslep rayonnıń 6-sanlı «Informatika hám xabar texnologiyaların tereńlestirip oqıtıwǵa kániygelestirilgen ulıwma bilim beriw mektebinde boldı. Bul jerde mektep oqıtıwshıları hám oqıwshıları menen ushırasıw bolıp ótti. Fakultet dekanı Dj.Kurbanbaev mektep jámáátin Ózbekstan Respublikası Ǵárezsizliginiń 31 jıllıq bayramı hám jańa oqıw jılı menen qızǵın qutlıqlap, Ózbekstan Respublikası Prezidentiniń usı jıl 31-avgust kungi Pármannıń mazmunı hám onıń ahmiyetin tusindirdi. Jaslarǵa aldaǵı oqıwlarında tabıslar tiledi. Bunnan keyin 3-sanlı shet tillerine qániygelestirilgen mektepte bolıp, professor-oqıtıwshılardan U.Xakimov, X.Djoldasbaeva, M.Alimbaev hám A.Bazarbaevlar mektep oqıtıwshıları ushın sheberlik sabaqların ótti.
Sonday-aq, fakultettin ziyrek studentleri S.Seytbekov hám K.Kuandıkovalar ózleriniń oqıw barısındaǵı tájiriybeleri menen bólisti. Mektep oqıwshıları ozlerin qızıqtırgan sorawlarına juwap aldı. Kúnniń ekinshi yarımında ushırasıw rayondaǵı 1-sanlı ulıwma bilim beriw mektebinde dawam etti. Ushırasıw kóterinki ruwxta ótip, oqıwshılarda Prezident pármanında kórsetilgen jeńillikler hám qolaylıqlar Qaraqalpaqstan xalqınıń turmısı hám jasaw shárayatında ele de unamlı ózgerislerge alıp keliwine isenim payda etti.
