Usı jıldıń 12-sentyabr kúni Qaraqalpaq mámleketlik universiteti bas imaratınıń májilisler zalında Qaraqalpaqstan Respublikası Ádillik ministrligi Intellektual múlk obektlerin qorǵaw bólimi qániygeleri menen universitet alımları, professor-oqıtıwshıları, doktorantları hám student-jasları menen ushırasıw ótkerildi. Ushırasıwǵa Qaraqalpaqstan Respublikası Ádillik ministrligi Intellektual múlk obektlerin qorǵaw bólimi baslıǵı Reyimnazarov Quwatbay, Qaraqalpaqstan Respublikası Ádillik ministrligi Intellektual múlk obektlerin qorǵaw bólimi bas másláhátshisi Esnazarov Nuralı, Qaraqalpaqstan Respublikası aymaqlıq innovaciyalıq rawajlanıw basqarmasınıń Innovaciyalıq infradúzilmeni rawajlandırıw boyınsha jetekshi qániygesi Ikmetov Muhammedjan, Ilimiy-izertlewler, innovaciyalar hám ilimiy pedagog kadrlardı tayarlaw bólimi baslıǵı Nizamatdinov Qayrat hámde “Texnologiyalar hám innovaciyalardı qollap-quwatlaw orayı” qániygeleri qatnastı. Ushırasıwda qánigeler tárepinen intellektual múlk obektlerin qorǵaw, paydalı model, sanaat úlgileri hám oylap tabılıwlar ushın alınatuǵın patentler, elektron esaplaw mashinaları hám maǵlıwmatlar bazaları ushın alınatuǵın gúwalıqlar, olardıń beriliw tártipleri, patent hám gúwalıqlar alıw ushın tapsırılatuǵın hújjetler haqqında keń túrde túsinikler berildi hámde ushırasıw qatnasıwshıları kún tártibindegi máseleler boyınsha ózlerin qızıqtırǵan sorawlarına tiyisli juwapların aldı.