Berdaq atındaǵı Qaraqalpaq mámleketlik universitetiniń 1-sanlı studentler turar úyinde student qızlar arasında ushırasıw shólkemlestirildi. Ushırasıwǵa Nókis qalası IIO JMB ǴPB hayal-qızlar máseleleri boyınsha aǵa inspektorı mayor A.Namenova, QMU profilaktika inspektorı I.Erejepov, QMU Hayal-qızları máseleleri boyınsha aǵa inspektorı R.Tasbaeva, Yuridika fakulteti Hayal-qızlar máseleleri boyınsha dekan másláhátshisi G.Pirniyazova hám student qızlar qatınastı. Ushırasıwda Ózbеkstan Rеspublikası Prеzidеntiniń PP 213-sanlı pármanınıń mazmunı hám áhmiyeti, jınayat hám huqıqbuzarlıqtıń aldın alıw, ádep-ikramlılıq qaǵıydaları huqıqbuzarlıq hám jınayatlar haqqında studеnt-jaslarǵa úgit-násiyat jumısları alıp barıldı. Iláj sońında Yuridika fakulteti Hayal-qızlar máseleleri boyınsha dekan másláhátshisi G.Pirniyazova sózge shıǵıp, qızlarǵa studentler turar úyiniń ishki tártip qaǵıydaları, kiyiniw mádeniyatı, gigiena hám tazalıq máselesi sonday-aq, joqarı oqıw orınlarında qızlardıń ózin tutıwı haqqında ayrıqsha atap ótti. Ijaj dawamında student qızlar ózleriniń qızıqtırǵan sorawlarına juwaplar aldı.
