2022-jıl 23-sentyabr kúni Nókis qalalıq № 34-sanlı ulıwma bilim beriw mektebinde Qaraqalpaq mámleketlik universiteti Keńesiniń 31-avgusttaǵı №1300 S/5 sanlı buyrıǵı tiykarında pedagogikalıq ámeliyat ótip atırǵan Biologiya, Ekologiya hám qorshaǵan ortalıqtı qorǵaw tálim baǵdarı studentleriniń ámeliyat barısı  menen jaqınnan tanısıw maqsetinde ushırasıw shólkemlestirildi.  Ushırasıwǵa universitettiń oqıw metodikalıq basqarma xızmetkeri N.Yoldasheva, bekitilgen ámeliyat basshıları G.Serekeeva, Q.Toreeva, Q.Turdıbaev, mektep tárepinen bekitilgen metodistler hám student jaslar qatnastı. Ushırasıwda pedagogikalıq ámeliyattı ótiw tártibi, mektep oqıwshıları menen birge islesiw hám keleshekte pedagog kásibin jaqsı meńgeriwde pedagogikalıq  ámeliyattıń áhmiyeti haqqında maǵlıwmatlar berildi.  Sonday-aq, studentler tárepinen ótilip atırǵan  sabaqlarǵa qatnasıp sabaq ótiw  halatı kózden ótekerdi. Mektep tárepinen bekitilgen metodistler de ámeliyatshı studentlerdiń pedagogikalıq sheberligin asırıwda  pedagogikalıq ámeliyat járdem beretuǵınlıǵın atap ótti. Bunnan soń ámeliyatshı studentler ámeliyat ótiw ushın Universitet hám mektep jámááti  tárepinen jaratılıp berilgen imkániyatlar ushın ózleriniń minnetdarshılıǵın bildirdi.

Ekologiya hám topıraqtanıw kafedrası assistenti Q.Turdibaev