Student-jaslardıń kitap oqıwǵa bolǵan qızıǵıwshılıǵın elde arttırıw hám 5 áhmiyetli baslamanı student-jaslar arasında keń túrde úgit-násiyatlaw maqsetinde Berdaq atındaǵı Qaraqalpaq mámleketlik universiteti málimleme resurs orayında “Tanısıńız jańa kitaplar» atlı kórgizbesi bolıp ótti. Kórgizbede MROna jańadan kelgen 1000 nusqadaǵı kitaplardan kórgizbe shólkemlestirildi. Kórgizbe sheńberinde MRO janındaǵı “Kitapqumarlar” klubı óz iskerligi haqqında student-jaslarǵa maǵlıwmat berip ótti.

Sonday-aq kórgizbe dawamında student-jaslarǵa MRO xızmetkerleri tárepinen Ózbekstan Respublikası Joqarı hám orta arnawlı bilimlendiriw Ministrligi tárepinen shıǵarılǵan «Oʻzbekistonda oliy talim» jurnalında universitetimiz rektorı A.Reymovtıń «Islohotlar taʼlim samaradorligining asosiy mezoni» atlı maqalası menen tanıstırıp, onda bilimlendiriw tarawındaǵı rawajlanıwlar hám jańa ózgerisler haqqında student-jaslarǵa keń túrde túsindirip ótti.