Ustaz – ómir baǵmanı. Ol jas áwladqa ilim hám bilim sırların úyretedi. Sonlıqtan da ustaz bolıw ullı mártebe, úlken maqtanısh. Xalqımız «Bir hárip úyretken ustazǵa qırıq jıl sálem ber»-degen danalıq sózdi biykarǵa aytpaǵan. Bul gápte úlken máni bar.          «1-oktyabr –Muǵállimler hám ustazlar kúni». Usı kúni hár bir insan óz ustazın gúller menen qutlıqlap, kewlindegi eń jaqsı tileklerin bildiredi. Bul bolsa, kewillerge quwanısh qondırıp, júzlerge kúlki inam etedi. Mine usı bayram múnásibeti meneni Biologiya fakultetiniń bir qatar student jasları óz ustazların bayram menen qutlıqladı hám ózleriniń tayarlap kelgen koncert baǵdarlamasın inam etti. Kewillerinde ustazlarına degen húrmeti, sheksiz alǵısları bar ekenligin bildirdi. Shayır Ibrayım Yusupov aytqanınday:

«Bilimli el ozar» deydi xalayıq,
Bul naqılǵa bárha sadıq bolayıq.
Bizde sonday dańqlı muǵállimler bar,
Beruniy áwladı dewge ılayıq.

Biologiya fakulteti Jaslar menen islesiw boyınsha dekan orınbasarı
Jalgasbay MUYNAKBAEV