2022/2023-oqıw jılında sırtqı tálim baǵdarlarınıń 3-kurs studentleri oqıw processleri hám attestaciyalarǵa 2022-jıl noyabr ayında 4-kurs studentleri 2023-jıl yanvar ayında shaqırtılıwı belgilengen hám bunda ótgen oqıw jılınan qarızdar studentler sabaqlarǵa qatnasıw huqıqına iye emes.
Sebebi 2021/2022-oqıw jılınıń kontrakt tólemleri boyınsha qarızdar studentler kurstan-kursqa ótpegen hám óz gezeginde olar universitet penen 2022/2023-oqıw jılı ushın shártnama dúzbegen esaplanadı (student kurstan kursqa ótpese oǵan kontrakt.edu.uz platformada shártnama rásmiylestirilmeydi).
Ózbekstan Respublikası Ministrler Kabinetiniń 2020-jıl 31-dekabr kúngi «Oliy talim muassasalarida talim jarayonini tashkil etish bilan boǵliq tizimni takomillashtirish chora-tadbirlari twǵrisida»ǵı 824-sanlı qararınıń 41-bánti boyınsha:
– bir pánge ajıratılǵan auditoriya saatınıń 25% in hám onnan artıq saatın sebepsiz qaldırǵan student usı pánnen shetletilip, juwmaqlawshı qadaǵalawǵa kirgizilmeydi hám de usı pán boyınsha kreditlerdi ózlestirmegen esaplanadı, yaǵnıy akademiyalıq qarızdar esaplanadı.
– Akademiyalıq qarızdar studentler dem alıs waqtında yamasa keyingi semestrler dawamında tiyisli pánlerden ózlestirilmegen kreditler muǵdarına mas ráwishte bazalıq tólem-kontrakt muǵdarınan kelip shıqqan halda tólemdi ámelge asırǵannan soń ózlestirilmegen pánlerdi óz esabınan qayta oqıydı.
Sonlıqtan, húrmetli sırtqı bólim studentleri universitet penen shártnamalardı óz waqtında rásmiylestiriwdi hám de shártnama tólemlerin óz waqtında tólew kerekligi haqqında eskertemiz!
