Zamanagóy ilim texnologiya júdá keń tarqalǵan búgingi kúnde, jaslardı ilimge qızıqtırıw, olardıń dunyalıq bilim hám kónlikpelerin ámeliyatta bekkemlew jámiyetimizdin eń aktual máseleleriniń biri bolıp kelmekte.
Házirgi kúnde hár bir joqarı oqıw ornı tajiriybeli professor –oqıtıwshılarınıń ilim tarawında tájiriybelerin, kónlikpelerin eń jaydırıwda keleshek jaslardıń jetik qániyge bolıp jetilisiwinde kóplegen jumıslar ámelge asırılımaqta.
Qaraqalpaq mámleketlik universiteti Geografiya hám tábiyiy resurslar fakulteti 4-kurs Geodeziya, kartografiya hám kadastr qánigeligi «Studentlerdi qánigelik ámeliyatqa jiberiw» boyınsha universitet keńesiniń №1316 S/5, 5.09.2022-jılǵı buyrıǵı boyınsha Kadastr agentligi Qaraqalpaqstan Respublikası basqarması, «Uzdaverloyiha» Mámleketlik ilimiy joybarlaw institutı QR joybarı bólimi, Kadastr agentliginiń mámleketlik kadastr palatası QR basqarmasına 2022-jıldıń 5-sentyabrinen baslap óndirislik hám diplom aldı ámeliyatına jiberildi.
Hár bir toparǵa kafedra oqıtıwshılarınan S.Nurnazarov, U.Amangeldieva, ámeliyat basshıları etip bekitilgen. Ámeliyat waqtında hár bir student teoriyalıq bilimlerin qollap, Kartalardı dúziw hám baspa jumısların avtomatlastırıwdı úyreniw, GIS texnologiyasın quramalastırıw boyınsha izertlew jumıslarında qatnasıp, mámleketlik kadastr kárxanasında is júritiw jumıslarında ólshemler alıp barıw, birden bir mámleketlik kadastrın júritiwge tiyisli normativ xújjetlerdi úyrenip atır.
GPS áspabı menen jer maydanların ólshew usılların, ArcGIS programmasında elektron karta jaratıw, pitkeriw jumısları hám ilimiy jumısları ushın kerekli maǵlıwmatlar toplaydı. Universitet hám óndiris tárepinen bekitilgen ámeliyat basshıları menen tıǵız baylanısta bolıp, Sonday-aq, studentlerdiń iskerligin asırıwda ámeliyat dawamında járdem berip atırǵanlıǵı hámde universitet – óndiris tarawlarında kóplegen imkaniyatlar jaratılıp atırǵanlıǵın atap aytsaq boladı.
Hár bir student ámeliyat dawamında óndiristegi taraw qánigeleri menen birge ózleriniń qızıqtırǵan sorawlarına juwaplar aladı hám kónlikpelerge iye boladı.
Geodeziya, kartografiya hám tabiyiy resurslar kafedrası oqıtıwshısı Sh.Matjanova
