Berdaq atındaǵı Qaraqalpaq mámleketlik universiteti Tariyx fakulteti studentleriniń akademiyalıq licey oqıw dárgayındaǵı pedagogikalıq ámeliyatınıń 5-háptesinde esap beriw ashıq sabaqları qızǵın tús alǵanlıǵın 4 a topar student-ámeliyatshı Saxibjamal Elbaevanıń Jáhán tariyxı páninen «1991-2017-jıllardaǵı Ukraina, Belarus hám Moldova Respublikaları» temasında ótken sabaǵı mısalında da kóremiz. Eń áhmiyetlisi ámeliyatshı sabaqtıń bilimlendiriwshi, tárbiyalıq hám rawajlandırıwshı maqsetlerin anıq qoyıwı arqalı nátiyjelilikke eristi. Qollanılǵan interaktiv metodlar hám temaǵa integraciyalıq jantasıw oqıwshılarda úlken qızıǵıwshılıq oyattı.

Ashıq sabaqqa Qaraqalpaq mámleketlik universiteti akademiyalıq liceyi «Jámiyetlik pánler» kafedrası baslıǵı R.Utemisova, pán oqıtıwshısı R.Tlewmuratov hám tájiriybeli metodist, «Arxeologiya» kafedrası docenti, tariyx ilimleriniń kandidatı G.Karamanova qatnasıp, talqılaw barısında keleshekte óz kásibiniń mamanları bolıwları jolında studentlerge zárúrli bolǵan ózleriniń baǵdarlawshı másláhátlerin berdi.

Bekposınova Altınay

Tariyx fakulteti 4-kurs studenti