Usı jıldıń 24-oktyabr kúni studentler turar úyinde Yuridika fakulteti Milliy ideya, ruwxıylıq tiykarları hám huqıq tálimi kafedrası baslıǵı, siyasiy ilimler doktorı A.Bayrıevanıń basshılıǵında «Milliy úrp-ádet hám dástúrlerdiń turmıslıq áhmiyeti» atamasında seminar bolıp ótti. Oǵan studentler turar úyinde jasawshı studentler fakultet professor-oqıtıwshıları qatnastı.

    Seminarda házirgi dáwirdiń áhmiyetli máseleleriniń biri bolǵan xalqımızdıń kúndelikli turmısında sáwleleniwin saqlap qalǵan yamasa umıtlıp baratırǵan ata-babalarımızdıń biybaha miyrasları bolǵan milliy úrp-ádet hám dástúrleri haqqında, onıń jaslar tárbiyasındaǵı sonday-aq, keleshek áwladqa jetip barıwı boyınsha sóz etildi.

Húrmetli prezidentimizSh.Mirziyoyevtiń jańa Ózbekstandı qurıwda biz bekkem eki ústinge tayanamız. «Birinshisi-bazar principlerine tiykarlanǵan kúshli ekonomika bolsa, ekinshisi-ata-babalarımızdıń bay miyrası hám milliy qádiriyatlarǵa tiykarlanǵan kúshli mánawiyat»- dep atap ótken edi. Haqıyqatında da, búgingi jaslar zaman menen teń qádem taslar eken zamanagóy bilimlerdi iyelew menen birge tárbiya deregi bolǵan ata-babalarımızdıń bay miyrasın qálbi hám yadında saqlap oǵan ámel etse gózlengen nátiyjege erisiwimiz sózsiz.

Seminar dawamında, elimizde jasawshı túrli millet wákilleriniń ózlerine tán bolǵan milliyligi úrp-ádetleri hám olardıń mánisi, áhmiyeti boyınsha jaslarǵa maǵlıwmatlar berildi. Seminar juwmaǵında tema boyınsha qatnasıwshılar hám sms arqalı kelgen sorawlarǵa juwaplar alındı.