Berdaq atındaǵı Qaraqalpaq mámleketlik universitetiniń Tariyx fakultetinde Korrupciyaǵa qarsı gúresiw boyınsha májilis bolıp ótti. Májliske Korrupciyaǵa qarsı gúresiw bóliminiń baslıǵı K.Uteniyazov, sonday-aq tariyx fakulteti dekanı, professor-oqıtıwshılar qatnastı. Májilisti tariyx fakulteti dekanı S.Sulaymanov ashıp berip, búgingi kúnde mámleketimiz tárepinen korrupciyaǵa qarsı ǵúresiw boyınsha alıp barılıp atırılǵan ilajlar haqqında aytıp ótti. Bunnan soń, Korrupciyaǵa qarsı gúresiw bóliminiń baslıǵı K.Uteniyazov shıǵıp sóyledi hám ol óz sózinde Ózbekstan Respublikası Prezidentiniń 2017-jıl 2-fevraldaǵı «Korrupciyaǵa qarsı gúresiw haqqında»ǵı Ózbekstan Respublikası Nızamınıń qaǵıydaların ámelge asırıw ilajları haqqında»ǵı PQ-2752-sanlı qararı hám usı qarar menen tastıyıqlanǵan Mámleketlik baǵdarlamada belgilengen wazıypalarǵa toqtap ótti. Fakultet professor-oqıtıwshıları arasında tártip – intizamǵa ámel etiw, dámegóyshilik, paraxorlıq illetlerine qarsı gúresiwge tiyisli is-ilajlar kóriw kerekligin aytıp ótti. Bul másele boyınsha ta óz pikirlerin bildirdi. Bul dáwir mashqalasına hár birimiz juwapker ekenligimiz hám bul illetke qarsı gúresiw sharaların elede kúsheytiw maqsetke muwapıq ekenligi aytıp ótildi. Májilis óz-ara pikir almasıwlar menen dawam etip bul máselede tiyisli qararlar qabıl  etildi.