Berdaq atındaǵı Qaraqalpaq mámleketlik universiteti Biologiya fakultetinde Korrupciyaǵa qarsı gúresiw hám onıń aldın alıwǵa baǵıshlanǵan májilis bolıp ótti. Májliske Korrupciyaǵa qarsı gúresiw bólimi baslıǵı K.Uteniyazov, Nókis qalası IIO JMB XKMB profilaktika inspektorları A.Oralbaev hám A.Tańirbergenova, fakultet dekanı Ya.Ametov hám fakultet professor-oqıtıwshıları qatnastı. Májlisti fakultet dekanı Ya.Ametov ashıp beridi hám búgingi kúnde mámleketimiz tárepinen korrupciyaǵa qarsı gúresiw hám onıń aldın alıw boyınsha alıp barılıp atırılǵan jumıslardı ayrıqsha atap ótti.

Bunnan soń, sózge shıqqanlar Watan súyiwshilik ruwxında  tárbiyalaw, olardıń qálbinde Watanǵa degen pidaylıq sezimlerin sińdiriw,  sonday-aq jınayatshılıq hám xuqıqbuzarlıqlardıń aldın alıw, studentlerdiń bos waqıtların mazmunlı ótkeriw kerekligin aytıp ótti. Májlis dawamında Korrupciyaǵa qarsı gúresiw bólimi baslıǵı K.Uteniyazov shıǵıp sóylep, Ózbekstan Respublikası Prezidentiniń 2017-jıl 2-fevraldaǵı «Korrupciyaǵa qarsı gúresiw haqqında»ǵı Ózbekstan Respublikası Nızamınıń qaǵıydaların ámelge asırıw ilajları haqqında»ǵı PQ-2752-sanlı qararı hám usı qarar menen tastıyıqlanǵan Mámleketlik baǵdarlamada belgilengen wazıypalar menen tanıstırıp ótti. Májlis juwmaǵında IIO JMB XKMB profilaktika inspektorları A.Oralbaev házirgi waqıtta Respublikamızda ushırasıp atırǵan jınayatshılıqlar haqqında aytıp ótti. Bunday huqıqbuzarlıqlardıń aldın alıw hám oǵan qarsı gúresiw boyınsha túsinik berip ótti.

Jalǵasbay Muynakbaev,

Biologiya fakultet Jaslar menen islesiw boyınsha dekan orınbasarı