Búgin Berdaq atındaǵı Qaraqalpaq mámleketlik universitetinde Isbilermenler háreketi – Ózbekstan Liberal-demokratiyalıq partiyası Qaraqalpaqstan Respublikalıq Keńesi tárepinen «Jańa áwlad kadrları» joybarı sheńberinde «Deputat hám jaslar ushırasıwı» bolıp ótti. Onda Oliy Majlis Nızamshılıq palatası Spikeri orınbasarı, Ózbekstan fermer, diyqan xojalıqları hám qıytaq jer iyeleri Keńesi baslıǵı, O’zLiDeP frakciyası baslıǵı A.Xaitov, Oliy Majlis Nızamshılıq palatası deputatı M.Ibragimov, Qaraqalpaqstan Respublikası Joqarǵı Keńesi komietet baslıǵı, deputat Sh.Otemisov, O’zLiDeP Qaraqalpaqstan Respublikalıq Keńesi apparat baslıǵı K.Artıkov, universitet jámááti, Fizika fakulteti student-jasları hám ǵalaba xabar quralları wákilleri qatnastı. Ushırasıwdı Universitetimizdiń oqıw isleri boyınsha prorektorı O.Duysenbaev alıp bardı. Ushırasıwda sózge shıqqanlar elimizde keyingi bes jıllıqta alıp barılıp atırǵan ózgeris hám jańalanıwlar, ásirese keleshegimiz bolǵan jaslarımızǵa qaratılıp atırılǵan itibar, jaslarǵa tiyisli mámleketlik siyasat dárejesinde alıp barılıp atırǵan jumıslar, qabıl etilip atırǵan qarar hám pármanlardıń áhmiyeti, Oliy Majlis nızamshılıq palatasında alıp barılıp atırǵan jumıslar, Miynet kodeksi joybarınıń áhmiyeti, jańa kodekste isbilermenler ushın keń imkaniyatlar jaratılıwı, xalıqtıń bántligin támiyinlew boyınsha kóplep qolay sharayatlar kózde tutılǵanlıǵı, Prezidentimizdiń 213-sanlı pármanınıń áhmiyeti, onda belgilep berilgen baslı wazıypalar, sonday-aq bir maqset jolında birlestirip kiyatırǵan Isbilermenler háreketi – Ózbekstan Liberal – demokratiyalıq partiyası siyasiy kúsh sıpatında búgingi kúnde alıp barıp atırǵan jumısları, partiyanıń maqset hámde wazıypaları boyınsha máseleler sóz etildi. Ushırasıw dawamında partiya qatarına student jaslar aǵzalıqqa qabıl etilip, belsendi qatnasqan jaslarǵa Prezident kitapları tapsırıldı.
QMU baspasóz xızmeti
