Búgingi kúnde sociallıq tarmaqlarda úy haywanlarına adamlar tárepinen jawızlarsha qatnasta bolıp, olardı urıp, suwǵa shóktirip, otqa jaǵıp jiberiw halatlarınıń guwasımız. Mine usınday unamsız háreketlerdiń aldın alıw, jaslar arasında tuwrı túsinik jumısların alıp barıw maqsetinde Berdaq atındaǵı Qaraqalpaq mámleketlik universitetinde Qaraqalpaqstan Respublikası ishki isler ministrliginiń jámiyetlik tártipti saqlaw basqarması tárepinen úgit násiyat ilaji bolıp ótti.

Ilajda taraw qánigeleri Nókis qalasında jaylasqan barlıq joqarı oqıw orınlarınan student-jaslar hám Nókis veterinariya texnikumı oqıwshıları qatnastı. Dáslep, universitetimizdiń jaslar máseleleri hám ruwxıy-aǵartıwshılıq isleri boyınsha prorektorı S.Alauatdinov sózge shıǵıp, jámiyetlik orınlarda tártipti saqlaw, jınayatshılıq hám huqıwbuzarlıqlardı anıqlaw hám boldırmawda kinologlardıń ornı haqqında aytıp ótti. Bunnan soń taraw qánigeleri hám kinologlar tárepinen jınayattı anıqlawda xızmet iytleriniń ornı qansheli áhmiyetli ekenin ózleriniń kórgizbeli shıgıwlarında kórsetip ótti.

QMU baspasóz xızmeti