Mámleketimiz basshısı Ózbekstan kásiplik awqamları Federatsiyasınıń 2020-jılı bolıp ótken VIII Qurultayında óz qutlıqlawında ǵárezsiz mámleketimiz tariyxında birinshi márte 11-noyabr sánesin “Kásiplik awqamları kúni” dep belgilewdi usınıs etip, “Ózbekstan kásiplik awqamları kúnin belgilew haqqında”ǵı nızam qabıllandı. “Jańa Ózbekstan – jańa kásiplik awqamlari” ideyasın ózinde jámlegen bul bayram pútkil mámleketimiz boylap hár jılı keń túrde bayramlanıp kelmekte.

Usı sáne múnásibeti menen Berdaq atındaǵı Qaraqalpaq mámleketlik universitetinde «Jańa Ózbekstan – jańa kásiplik awqamları”, “Kásiplik awqamları hám bilimlendiriw – keshe hám búgin” atamasında Ózbekstan kásiplik awqamları Federatsiyası Qaraqalpaqstan Keńesiniń bilimlendiriw tarawı xızmetkerleri hám universitet xızmetkerleri qatnasında ashıq sáwbetlesiw bolıp ótti.

Dáslep, Senator, Ózbekstan kásiplik awqamları Federatsiyası baslıǵı orınbasarı, Qaraqalpaqstan Keńesi baslıǵı Jalmenov Uluǵbek Abılaevich sózge shıǵıp, bárshe ilaj qatnasıwshıların bayram menen qutlıqlap, Ózbekstan kásiplik awqamları tariyxı hám búgingi kúndegi iskerligi, kásiplik awqamları tárepinen alıp barılıp atırılǵan jumıslar hám aldaǵı rejeler haqqında qatnasıwshılarǵa maǵlıwmat berdi.

Sonday-aq, ilaj dawamında universitetimiz kásilik awqam komiteti tárepinen 11-noyabr “Kásiplik awqamları kúni” múnásibeti menen ótkerilgen tańlaw jeńimpazları xoshametlendi. Bunnan soń, ilaj universitetimizdiń belsendi studentleri tárepinen tayarlanǵan koncert baǵdarlaması menen dawam etti.

QMU baspasóz xızmeti