Ózbekstan Respublikası Prezidentiniń 2020-jıl 24 fevral kúngi №4611 sanlı “Finanslıq esap beriwdiń xalıqaralıq standartlarına όtiw boyınsha is ilajları haqqında”ǵı qararında, Finanslıq esap beriwdiń xalıq aralıq standartlarına όtiwdi jedellestiriw arqalı shet el investorların zarúr informaciya ortalıǵı menen támiynlew hám xalıq aralıq finans bazarlarına kiriw imkaniyatın keńeytiw, sonday-aq buxgalteriya esabı hám audit tarawında qánigelerin xalıqaralıq standartlar boyınsha tayarlaw sistemasın rawajlandırıw belgilengen.

  Qarardı orınlaw maqsetinde Ekonomika fakulteti “Buxgalteriya esabı hám audit” kafedrası professor oqıtıwshıları, studentleri hám magistrları ushın 60 saatlıq finanslıq esap beriwdiń xalıq aralıq standartları tiykarında oqıw kursı shólkemlestirildi. Oqıw kursı “FARG’ONA AUDIT PROGRESS” oqıw orayınıń xalıqaralıq sertifikatqa iye bolǵan oqıtıwshıları tárepinen 2022-jıl 10-oktyabrdan 25-oktyabrǵa shekem 68 QMU ekonomika fakulteti studentleri hám magistrları oqıtılıp, olardan 49 na “Finanslıq esap beriwdiń xalıqaralıq standartları” sertifikatı berildi.