Abıraylı xalıq aralıq QS reyting shólkemi Aziya Universitetleriniń 2023-jıl ushın reyting (QS Asia University Rankings 2023) nátiyjelerin járiyaladı. Onda, Birinshi márte Berdaq atındaǵı Qaraqalpaq mámleketlik universiteti Aziyanıń TOP 1000 lıqtaǵı eń kúshli universitetleri qatarınan orın aldı.

QS dıń bul reytingi búgingi kúnge shekem eń úlken reyting esaplanıp, óz ishine Aziyadaǵı 760 eń kúshli universitetlerin qamtıp alǵan. Sonıń menen birge, reytingti qáliplestiriwde tiykarǵı kórsetkishler retinde akademikalıq hám jumıs berewshiniń abırayı, PhD dárejesine iye bolǵan xızmetkerler sanı hám xalıq aralıq studentler úlesi sıyaqlı kriteriyası birinshi márte kirgizildi.

Sonday-aq, QS Aziya University 2023 reytinginde Aziya kontinentindegi universitetler jaylasıwına qaray regionlıq orınların da belgilengen bolıp, mámleketimizdiń joqarıdaǵı 8 JOO QS Oraylıq Aziya Universitetler Reytinginde de múnásip orınlardı iyeledi.

 QS Aziya University Rankings reytingin dúziwde JOOnıń tómendegi 11 kórsetkish boyınsha bahalanadı:

– ilimiy (akademikalıq ) abıray (professor -oqıtıwshılardıń dawısı ) – 30%;

– jumıs beriwshiniń bahası – 20%;

– professor -oqıtıwshılar/studentler qatnası – 10%;

– xalıq aralıq izertlew tarmaǵı (Scopusdaǵı maqalalar sanı ) – 10%;

– bir maqalaǵa berilgen kóshirip alınǵanlar – 10%;

 -hár bir professor -oqıtıwshı úlesine tuwrı keletuǵın maqalalar sanı – 5%;

– PhD dárejesine iye xızmetkerler sanı – 5%;

– xalıq aralıq professor -oqıtıwshılardıń úlesi – 2, 5%;

– sırt ellik studentlerdiń úlesi – 2, 5%;

-programmalar almasıw boyınsha sırt elden kelgen studentlerdiń úlesi – 2, 5%;

– hám shet elge barǵan studentlerdiń úlesi – 2, 5%.

-Joqarı oqıw orınlarınıń bunday xalıq aralıq abıraylı reytinglerdegi ornı, olardıń abırayın asırıp, dúnya universitetleri -qatarında óz-ara básekilikti támiyinleydi.